تغيب الناس عن عيني وشخصك يالغلآ ماغاب

مدخل ~

حـيّ الله إللي , ليامن غبت يفقـدني
. . . . . . إللي .. يزول الزعل والضيق , بقــدومه !
إقـرب و سولف علي لكنْ لاتنشدني !
. . . . . . مغليك لاشاف عينك , ضاعت علومه

تغيب الناس عن عيني وشخصك يالغلآ ماغاب . .
أشوفك وين ما أمشي و طيفك ساكن بـ عيني . . .
أحبك و المحبه جت من الله و مالها أسباب . . !
لقيتك تجري في دمي و تسكن في شراييني . . .
وانا من كثر ما أغليك أبلبس من غلآك. . ثيـــآب !!
و أكحل ناظري بـ شوفك يا طيفن ما يخليني . . .
أبقهر كل عذالي عسى الله لا يجيب غياب . .
و أشوفك دوم في قربي أحاكيك و تحاكيني . . .
و أبسكن في نظر عينك و أبيك تضمني بـ أهداب !
و أبي كل ما شكيت الهم في بُعدك تواسيني . .
و أبي لو شانت الدنيا أبي نحيا و نموت أحباب . . .
و أبي كل ما توله ناظرك تكفى تناديني . .
حبيبي لو تباعدنا أبصبر و القلوب قراب . .
و أنا في داخلك ساكن إذا ما قلتلي ويني . . !
فديتك يا بعد كل البشر و الناس و الأصحاب !
فديتك ياللي في قربك أحس الدنيا بـ يديني . . .
تغيب الناس عن عيني وشخصك يالغلآ ماغاب . .
أشوفك وين ما أمشي و طيفك ساكن بـ عيني . . .
أحبك و المحبه جت من الله و مالها أسباب . . !
لقيتك تجري في دمي و تسكن في شراييني . .

مخرج ~


[أحبك].. يابعد كل الحروف !! وعلها (تفداك)
[أحبك].. يابعد بيت القصيد !! وكل (غاياته)

يسلموووووو حنين العالمي على هذا الطرح الممتع
تقبلي وافر التقدير .. ننتظر منك المزيد بروعة حضورك

أبيات وكلمات رائعه جدا.

لاهنتي أختي حنين.

حنين العالمي ذائقة شعر عاليه
راق لي وبقوه
ننتظر جديدك

ذائقه في غاية الجماليه تنعكس في المدخل والنص والمخرج روعه ما بعدها روعها الف شكر حنين ولاهنت على النقل..

نص جميل تشكرين أختي حنين العالمي عليه