يفز قلبي يوم يسمع بطرياك

لك وحشه بالصدر تلعب بالاضلاع
من كبرها حتى الدموع اسمعتها

زفرة ونين الشوق في قلب ملتاع

دارت على كل الضلوع وشكتها

وتغيرت بسبايبها كل الاوضاع
حتى دموع العين مثلي بكتها !!

يفز قلبي يوم يسمع بطرياااك
وانسى عذابي والفرح يحتويني

الشاهد الله مااحتمل يوم فرقاك
تفداك روحي ومابقى من سنيني !!

تحسب نسيتك ؟؟؟ لا حشا مقدر انسااك
مجنون انا انسى زارع الشوق فيني !!

العين تبكي ودها تشوف زولك
إما تجي أوتاخذ العين وياك

دنيا بدونك عجل الله فناها
وعمر مع غيرك عسى الموت يطويه

ماكل من جاني عطيته على الكيف
إلا انت لو تطلب عيووني عطيتك

يهل دمعي وأقهره داخل العين
مدري عدل للعين و إلا ظليمه

لا وألذي ألف قلوب المحبين
ما حدرت دمعات عيني هزيـمــه

لكن بكيت من الوفا و الوفا دين
لاجل الحبيب وذكريات قديمه

أنا الذي لو هزني الكون ما أنساك
لو ارغمني الزمن بالجفا ما جفيتك

ما ينساك قلب بالشوق اغلاك
لو تطلب عيونه يقول عطيتك

انا تحت أمرك لو يكثر اخطاك
كلي فدا روحك وبروحي فديتك !!


راقت لي

الله يعطيك العافيه على انتقاء هذه القصيده

مشكووووووره والله يعطيك الف عافيه
راق لي

تشرفت بهطولك اخى

الرائعه دانه
ابيات شعريه في غاية الجمال كما هوا حال حضورك
الابيات كانت ملئيه بكل صور الوفاء
تحيتي الدائمه لذائقتك
ضامي بطوله

سيدى ضامى بطووله..
بصمات خااااصة لك..
انه الجمال بحد ذاته
ان اجدك تضيف على المكان رائحة الزهور .. وأكثر
بهذا التواجد العطر
دمت بحفظ الرحمن

حروفك
تحمل احاسيس مرهفة ومشاعر طيبة..
سلمت الانامل الطيبة على النقل الراقي..