من الان يبدا شغل الموسوم ........

السلام عليكم ورحمة الله وبركاته ،،،،،


عندنا مشكله متعبتنا من فتره في النصر وصارت معروفه عند كل الجماهير وواضحه وهي ضعف المفاوض النصراوي طيب وش الحل بالنسبه لي جلست افكر ليه الهلال ناجح في المفاوضه رغم انه احياناً يكون عرضه الأقل . الهلال اذا قابل النصر استخدم اغراء البطولات والمكافأت المستمره وهو الشي المفقود في النصر وايضاً استخدم عروض من تحت الطاوله وهي المشاركه مع المنتخبات وغيرها بس ترى كل هذي لازم يوجد شخص ( سامي الجابر ) عنده المنطق الي ممكن في جلسه وحده يقدمها بشكل يضمن موافقة الاعب وعدم مماطلته الا في أحيان قليله ولاكن يكون العمل مكثف والتواصل مستمر لتوضيح جدية العرض بينما النصر في الفتره الاخيره يستخدم قوة القرض بس المفاوض سيء في طريقة تقديم العرض وكمثال لطرق العرض المتبعه في الهلال ( وهنا جبنا الهلال كمثال لأنه نادي ناجح في هالموضوع ) احظار المبالغ كاش امام الاعب وهي طريقه الاعب غالباً ينهار امامها . بس هذي الطريقه اصبحت قديمه بس تنجح للاعبين الجدد . نجي للمهم في طريقة عرض الهلال المفاوض في الهلال من النادي وحريص اما لوعده بنسبه لان مافيه احد يشتغل على الفاضي ولحبه للنادي ، في نادي النصر ماندري من المفاوض وغالباً يكون احد السماسره الي لو دفع له احد غير السمسار نفسه وجهة الاعب وعروض النصر ماتكون فيها جديه الا اذا تأزم الوقت ونشوفها تاخذ وقت طويل جداً .
لذالك بحكم ان الموسم هذا انتهى بخيره أو شره ومن الطبيعي والمفروض ان الإداره حاطه في بالها إضافه بعض العناصر المحليه لازم يكون المفاوض ذكي ومقبول وسريع ومقنع .
لو وضع كل شخص نفسه مكان لاعب ناشىء أو لاعب من لعيبة الانديه الي مامستها الشهره وجاهم ماجد عبدالله يفاوض لاعب بنفسه كيف تتوقع القبول وخصوصاً اذا اعطينا ماجد مغريات كويسه للعرض ( عدم تأخر الرواتب ، المدرب الجديد راح يصقل موهبة الاعب ويقدمه بشكل احسن من ماهو عليه طبعاً يكون المدرب ممتاز ، الوعد بأنضمام نجوم راح يرتقون بالفريق من المثال الاعب الي جالسين يفاوضونه ) يعني يروح وهو مليان . طبيعي ماجد ماراح يطلع الا ومعه ورقة التوقيع بإذن الله طبعاً لاكن لو راح سالم العثمان الاداري الناجح والمميز في النصر بس بالنسبه للاعب ماهو مميز ولا ناجح ولا ( قدوه ) وهذي نقطه مهمه جداً وهذا الكلام ينطبق على الهريفي ويوسف خميس ومحيسن الجمعان .



نقاط :-

* تبي فريق بطولات انسى لاعبين من فئة يمكن ينجح ويمكن لا.
* نواقص النصر ظهيرين ايسر وظهير ايمن بديل للغامدي او احسن سنتر وسط ايسر وسط ايمن مهاجم بس مثل ماقلنا مافيهم من فئة يمكن .
* الاجانب في النصر لازم الوقوف على اخر مشاركاتهم ماناخذه على فئة يمكن برضه وان حصل الوقوف على مستوياتهم مباشره بالذهاب الى مكان وجود الاعب ويكون المبعوث لهذا الشيء لاعب كبير من فئة ماجد أو محيسن أو فهد أو يوسف خميس .
* انا ضد ان يوسف خمييس يمسك منصب اداري في نادي النصر بتاتاً لانه من النوع الصعب جداً أو فني يوسف جيد جداً كمستشار فني معه مجموعة مستشارين .
* يحيى الشهري ( التفاق ) ( وسط ايسر ) - حمد الحمد ( التفاق ) ( وسط ايمن ) - محور نادي الاتفاق يحيى انا مو متذكر اسمه - اذا ماتوفرو السابقين لازم على الاقل نفكر في - عواد العنزي ( فريق هجر ) (وسط ايسر) - محمد الحمدان ( فريق الفتح ) ( وسط ايمن ) - حارس مرمى .
* الجانب المطلوبين وبحكم انه تم تخفيض عدد الاجانب إلى 3 النصر محتاج لصانع من طراز علي جداً وسنتر ومهاجم .
* المحليين الي اقترحناهم + الأجانب المطلوبين + مدرب ممتاز = راح يطلع معنى فريق ممكن نراهن عليه بأحد بطولات الموسم .
* يإدارة النصر مافيه احد بيشتغل لكم ببلااااااااش حتى ابن النادي لانه يبي حقه من النادي .



- ادري ان فيه من الجمهور بيقول مهو وقته وانا عندنا مباراة مهمه انا ابقول لكم تبون الجد ولا ولد عمه الجد ان الموسم هالسنه بالنسبه للنصر انتهى الا الي بيتعلق بأوهام هذولي كل سنه يتألمون حتى اخر مباراة .



لكم محبتي واحترامي ،،،،،





للامانه فيه الي منقول وفيه الي من اضافتي

الله يعطيك الف عافيه أختي نصراويه

لكن لا أعتقد بأن المفاوض الهلالي هو الافضل وليست الاسباب هي الصحيحه
فكان المفاوض النصراوي فترات عوده الاحتراف من جديد بدايه التسعينات الميلاديه
والى منتصف الالفيه هو الاقوى والافضل وهنالك تنافس بين مفاوض النصر والاتحاد والكل شاهد على الصفقات الخياليه
للمفاوضين من الناديين لكن أن المفاوض الهلالي الافضل الان لا والف لا لاأعتقد ذلك بتاتا
فالمفاوض الاتحادي من أفضل المفاوضين بالانديه السعوديه حاليا فكل لاعب يحضر للاتحاد يكون على قدر الطموحات واحيانا كثيره أعلى من الطموحات ،،،،



يكمن الفرق الان بين المفاوض العالمي والهلالي هو أنجازات النادي والايادي الخفيه لضمان مستقبل اللاعب
في ناديه والمنتخب وكذلك الدعم القوي الذي يلقاه اللاعب من اللجان بكافه طيوفها وكلنا نعرف هذا الموضوع

وسأورد لك مثال على ذلك :

منذو قدوم الامير فيصل بن تركي والنصر من أفضل الفرق من النواحي الماليه والصفقات ولم تفشل سوى صفقتين فقط الا وهم :
صفقه ياسر الشهراني بالرغم ان عرض النصر الاقوى لكن رغبه اللاعب والايادي الخفيه هي من عطلت الصفقه
كذلك صفقه الحارس فايز السبيعي رغم ان النادي يعاني أزمه ماليه لكن أوضاع الفريق الفنيه والماديه الفتره الحاليه أعتقد كانت لها اليد الطولى لرفض اللاعب للعرض

أما بالنسبه لمفاوض الهلال او بين قوسين سامي الجابر فأين مهاره التفاوض من تجديد عقد لاعبيه أسامه هوساوي والفريدي ..... ؟؟؟؟؟


والسبب الاخر :

كل لاعب يحلم بتمثيل المنتخب الوطني والبطولات وهذا لايتحقق للمفاوض النصراوي رغم الاغراءات الماديه
فالهلال فريق مستقر فنيا ويساعد اللاعب على البروز والتالق ولك مثال في سعد الحارثي الذي ذهب للبطولات فقط ...
وأين هو من أبطال اسيا إذا كان الافضل بين الانديه السعوديه جميعا ...؟؟؟؟؟


أتمنى عدم الانسياق وراء الكتابات الزرقاء ووضع الهلال فوق كل شيء والقضاء نفسيا على بواطن الضعف
بالفريق الهلالي والتي تعودنا بأنها لاتظهر في صحفنا وقنواتنا


ملاحظه :

تمنيت لو أوردتي المقال كما هو وذكر مصدره ومواضع الاضافه ففيها حفظ للحقوق لايا كان
فأتمنى أضافه المصدر اختي الكريمه

يعطيك العافيه شكرا,.