ياهيه حبل الوصال ارهه
قبل ف الندم يسجنك
يا سيدي والعمر برهة
لا لا تضيعه ف هم وضنك
الطيب ما يلحفك شرهه
لا والذي با الأدب زينك
يا جوهر العشق يا كنهه
بيه الهدب والهدب موطنك
اسدل ستار الحكي وانهه
خل الانامل تسولف عنك
واشغل عذول الهوى والهه
واترك رموش الوله تحتضنك
من كان حبه مثل كرهه
بعده يسرك ولا يحزنك
يا خبل وقتي ويا بلهه
لا فكر انه سرقني منك
دوك الربيع البسه وازهه
افتن عيون نوت تفتنك
خل القمر لا كشف وجهه
يترك فضاه ويجي يسكنك
لو تشرق الشمس من جبهه
ما للخلايق بديل عنك