05-07-2013, 09:19 PM
|
|
نصاب لكن محترم !!!
دايم كذا مستانسه وتقول انت انسان غير ,حيث الوفاء عندك غزير,
ما يمكن تفكر تخون ,ولاّ احملك الظنون
يالله حبيبي تبغى شي وان شاء الله متى فضيت اكلمك .,,
ثم قفلت جوالها ورجعت تكلم غيري .!!
طبعي كذا لامن هويت فيني من النصب الكثير !!
نصاب لكن محترم !!!
واتحدى لعبي ينكشف !!
لاني بصراحه محترف !!
واثناء لحظات السمر ,
وأنا على شاطئ القمر
مرت علي بنت (ن) لطيفه تقول كنها في أناقتها ورقتها مضيفه .,,.
قلت : الجميله من بنات الشام
قالت: لا والله من الدمام
قلت:
الله فيك حسـن ولـــطــافـــه ** من مبرق المجدول حتى حفاتك
انا اشهد انك يا الغريبه خرافه ** وعيونك النجلاء من اعظم صفاتك
غير ممكن على الشاليه فنجال قهوه؟
قالت: عمى !!
قلت: لما ؟
قالت: صحيح انا حلوه وزينه واسمي امل ماني رثينه ..لكن ترا فيني حيا
واقول : واضح يا هيا ..
قالت يا اخي ما قلت لك اسمي هيا .
اسمي أمل واحب أدلع هرتي ولا أحب انظر جمل !!
قلت: افاا ..!!
وش معنى تعمدتي تقولي لي جمل ؟
قالت : لان شكلك خبل !!فيك البداوه واضحه.
واقول: وشدراك ؟؟
ردت: عزيزي لهجتك بين الاوادم فاضحه.
قلت: اسمعي ماني بدوي , والجنز توي لابسه , انا حضاري واملك الجوال , حتى النت من تالي غديت امارسه,
قالت: ترا ذا المشكله وافهم معاي المسأله ..
انتو بدو, وامناتكم تتحضرون, لكن ترا ما تعرفون, وش تحسب انه من لبس له بنطلون قد هو على بنت الحضر يعني يمون ؟؟
قلت :
اعذريني ما دريت, والله ما ودي حكيت,
يمكن بشكلي اعجبك , ثم تطلبيني ما اطلبك
""لكن صدق راعي المثل لك حظ ولا فانسدح"" ,,!!
م/ن
|