نادي النصر السعودي شبكة جماهير الوفاء - عرض مشاركة واحدة - ورداً .. قــطـــفــتــه .. حتى اضعه ( هُنا )

02-24-2011, 02:54 AM

بحكم .. انا فآضي بذا الوقت ...
حبيت اجاوب ع بعض الاسئله اللي تجيني بين فتره وفتره

وان شاءالله إن اللي يدور جواب يحصله هنا ...

اكثر سؤال جاني :
وش سبب اختيار نك ( كوره بالقائم )
أو وش معنى ذا النك .. وهل لك معرف اخر . ومتى سجلت .

انا
واعوذ بالله من كلمه انا .
كان لي نكـ اكتب فيه , في بدايه عام 2004 الى 2006
تقريباً .. النكـ اللي كنت اكتب فيه خصوصا في
منتدى النصر كلوب .. ومنتدى سعد الحارثي الرسمي اول
مافتح .. كنت في المنتديين ذولي .. بالتحديد
مشارك فعال . صارت بعض المشاكل لي .. فصار النت مايعني
لي شي .. وقليل ادخله . وتركت المنتديات 2006 تقريبا .. لمده
سنتين .. بلا منتدى نهائياً .. وحتى النت صرت ادخله
قليل ..

فصار عندي شوق
اني اسجل في منتدى . بس ابي نك جديد
مابي نكي الاول ( بسبب مافيه من مشاكل ) وقررت اني
مادخل النصر كلوب نهائياً لا زائر ولا عضو ..

واخترت
كوره بالقائم ..
لسبب التجديد .. وشي يعني ماهو مكرر ..
والصدق يعني ماله معنى هو جاء في بالي كذا .. وكتبته
لأني مؤمن بأن النكـ ( مش مهم ) المهم
مايقدمه الشخص .. ودخلت من جديد في منتدى الجماهير
النصراويه عام 2009 بأوله يعني .. وبعدين جيت
لهذا المنتدى العزيز .. !

طبعا
عمري مو ضروري اقوله
متخرج من الجامعه .. مش متزوج ..

كان عمري صغير
دخلت في معارك الكتابه مع نفسي

عشت فتره عند اخوالي , وكانو اخوالي لهم بالثقافه مالهم
مهتمين جدا بالكتابه .. والاعلام .. والادب .. والقراءه .. مع الرياضه
طبعا ..

عددهم 5 .. 3 منهم
كتاب بالصحف .. منوعين .. احدهم عقيد في الدفاع المدني
ومدير العلاقات العامه والاعلام .. ويكتب كثيرا
في الصحف .. ويخرج في البرامج التلفزيونيه , والحورات .
وله باع طويل في الكتابه ( وهو نصراوي ) ..

والاخر
دكتور في الجامعه رئيس قسم ..
واستشاري .. اسري . ويعمل بالمؤسسات الخيريه
ويلقي ندوات ومحاضرات . ومعه شهادات في تطوير الذات
ويكتب في الاعلام بين فتره وفتره .. كاتب اجتماعي
ببعض الاحيان . وحواري من الطراز النادر .
ويدرس الان لدى مشائخ كبار في
مسائل الدين . ( وهو نصراوي )

والثالث
مدير مدرسه . يدرس الان الدكتوراه
وهو رجل اعمال . ومعه عده دورات بالنفس . وبالذات .
ومحلل سياسي .. واقتصادي .. يكتب من فتره
الى فتره باحدى الصحف . وكثيرا مايكتب في الصحف
الالكترونيه .. ( لايحب الرياضه ابدا )

اما الاثنين
البقيه . احدهم موظف كبير في وزاره . ( لايحب الكتابه ويكره الانترنت )
( نصراوي )
والاخر مديرا للمدرسه ( غير مهتم ابدا في الكتابه , )
( زعيقي للأسف متابع خفيف )

اما انا
فاخذت منهم بعض الاشياء
ولازلت اخذ منهم الكثير والكثير والكثير ...
فهم من عطاني الحريه .. في منتدى ادبي شاركت مع فطاحله
الكتاب السعودييين ..

انا غير
مهتم ابدا بالاشياء الاخرى
كالادب .. والحياه الاجتماعيه عموما .. والسياسه وهذه الامور
فقط متابع ( نصراوي )

شخصيا
اكره متابعه التلفزيون
وقليل اجلس امامه .. وتمر شهور وانا لم افتح
التلفزيون ابدا ...

عايش
بحياتي فقط .. دون التدخل في الاخرين ..
احب الرياضه ( لان النصر فيها ) ولو لم اكن نصراويا
لما تابعت الرياضه نهائيا ..

معظم
يومي يذهب للأنترنت ..
واكثره بالقراءه .. المنوعه ..
مغرم جدا بالقراءه .. لكن مشكلتي قل مايعجبني الشي ..

ادخل النت
الظهر والعصر والمغرب والعشا
شبه يومي ..

يكوني وقتي هكذا
الماسن افتحه لمده ساعتين فقط واغلقه
حتى لايضيع وقتي ( بالسوالف ) الا ( اذا احتجت وقت اكثر )

ثم افتح منتديات النصر
والوقت لها مفتوح .. حتى انتهي من جميع ما اريده ..

ثم اغلق كل شي
وافتح بعض الكتب , حتى أقرأ منها ..

وبعدها اعود
للمنتديات النصراويه من جديد
اتابع اذا جد شي ..

عن كتابتي
معظم مـ أكتب يكون بلا تحضير مسبق ..
فقط افتح موضوع . واكتب واكتب لمده 10 دقائق ..
اشاهده وانسق .. واصحح لغويا ان شاهدت
شيئا به .. ثم اختار موضوع مناسب
و ( اعتمد ) هذا الموضوع .

لا اذكر
انني حضرت موضوع مسبق ابدا
كل ما اكتبه اكتبه بفتره لاتتجاوز الـ 10 دقائق ..

ان شاءالله
اكمل في الجزء الثاني

النوم غلبني .