نادي النصر السعودي شبكة جماهير الوفاء - عرض مشاركة واحدة - ورداً .. قــطـــفــتــه .. حتى اضعه ( هُنا )

03-03-2011, 06:46 AM

... صراحة فاضي .. قلت لعلي اكتب شي مفيد لأخواني ...

دائماً ..
تلاحظون كثرة الاخطاء الإملائيه ..
خصوصا
بالتاء المربوطة . والهاء المربوطة ..

وانا حتى اخطي فيها
لكن مني سوء تركيز لا اكثر .. وبسبب سرعة الموقف والموضوع
والكتابة .. ماركز في التاء وغيرها بعد .. بس
علشان نفيد ونستفيد ..

طبعاً
انا بشرح الاسهل منها بطريقتي ..
حتى تكون بسيطة وسهلة .. ولا يكون فيه شوشرة ..

فيه ثلاث طرق مختلفة ..
بحاول اشرح اسهل طريقة باختصار وماهي صعبة ع فكرة ..

الأولى :
نآخذ مثلا كلمة ( عظيمة ) ( عظيمه ) لاحظو الان في الكلمتين .
وحدة تاء مربوطة والثانيه مفتوحة .. شلون اعرف وش هي
الصح بسهولة ..

اضف على الكلمة ( تنوين ) سواء تنوين فتح او كسر او ضم
جات الكلمة معك خلاص تكون مربوطة ع طول
ماجاء تكون هاء مربوطه ع طول ..

يعني
بإضافة التنوين تنطق ( كذا ) ..

عظمتون ( نطقت التاء اذا تاء مربوطة هذا التنوين بالضم )
عظيمةً ( تنطق عظميتن اذا نطقنا التاء فهي مربوطة تونين بالفتح )
عظيمةٍ ( وجربنا تنوين الكسر تنطق عظيمتِن يعني تاء مربوطة )

طبعا
تنوين واحد كفايه ..
مو شرط الثلاثة كلها .. اي واحد يمشي معاك ..

واذا صعبت عليك الامور اكثر
نون الكلمه .. واشبكها في جملة مفيدة .. تكون كذا :

عظيمةُُ هي ..
نطقت التاء فيعني انها تاء مربوطة ..

اي كلمة
مفردة تنطق بهاء .. ولكنها ربما تكون تاء مربوطه ..
يعني مو شرط اذا نطقت الكلمة لوحدها تكون هاء مربوطة لا ابدا ..

مثلا انطق كلمة ( مربوطه ) لوحدها راح تنطقها هاء .
لكن نونها واشبكها مع كلمة راح تطلع تاء
فهي تكتب تاء اذا وليس هاء .

بعطيكم مثل
ع الهاء المربوطة حتى تكون الامور واضحة .

كلمة ( مياه ) مثلا
لو اضفنا تنوين عليها ماراح تجي معنا في الكتابة .

يعني مياهون ( بالضم ) مياهن ( بالفتح ) مياهن ( بالكسر ) .
نطقت هاء .. بكل الاحوال . لهذا تكتب
هاء مربوطة ..

ولو حطينها بجمله مفيدة مثلا
ماراح تجي برضو تاء مربوطة راح تبقى هاء ..

نجرب :
مياة مالحة .. ( اقراها بذا الشكل ماتجي ) ..
مياه صالحة .. ( اقراها بذا الشكل تجي )

الطريقه الثانيه :
توصلها الكلمة ( اللي فيها تاء مربوطة ) بأي كلمة ثانية .. مع تشكيلها
فاذا نطقتها متشابكة بلا ( تغيير بالكلمة ) فاكتبها كما نطقتها

يعني
كلمة ( متشابكه ) الان نطقناها هاء
لكن نوصلها نقول ( كلمات متشابكةٍ متداخلة )
لاحظنا بالتنوين وبالتشكيل تخرج تاء
ولايمكن نطقها بهاء بعد
شبكها مع كلمة
اخرى !

وفيه عدة طرق
لكن اسهلها ماكتبتها .. لان المتبقى هي قواعد ثابته !

ان شاءالله مآكون ضيف ثقيل