ول ياكبر القهر ...

ول يا كبر القهر لا صار ما باليـد حيلـه..
والجروح من القرايب والخطا منـي وفينـي!!

ان نويت اشفي غليلي ما لقيت اية وسيلـه..
كيف ابلقى دام جرحي سبته طعنـه يمينـي؟!

وان نوت تبكي عيوني صارت الدمعه بخيله!!
كبرها لامن تجمع هم قلبـي وهـم عينـي..

ياهموم(ن) بي تعدت حدها صارت ثقيلـه..
اخذي مني كم سؤال ولو سمحتي جاوبينـي..

ليه من بعد الوفا والطيب وفعول(ن) جليله..
من يدين اللي حشمته اول طعونـي تجينـي؟؟

وليه لاضاق الفضا في عين من خانه دخيلـه..
مالقيـت الا الملامـه انتهيهـا وتبديـنـي؟!

ياهمومي ياجروحي يا صدى الروح العليلـه..
والله ان الظلم قهره قيّـد لسانـي ويدينـي!!

يوم قيل اظر حسودك زاد في قولـه وقيلـه..
ما طرالي غير قولت آآآخ يا دنيـا ارحمينـي..

ان تكلمت وحكيت وجبت برهاني ودليلـه..
ما تضرر كود منهو قـد لفانـي منتخينـي!!

وان سكت وقلت هانت هم وسنيني تزيلـه..
اكتشفت ان السنين تزول والهـم محتوينـي!!

بس لجل اللي انتخى في جد جدي والقبيله..
والله اني لاشرب المر واتحمـل مـا يجينـي..

ودام ما بالكون صدر(ن) ارتمي به واشتكيله..
ودام مابه عين تقرى حزني اللـي مبتلينـي!!

ما لي الا بيت شعر(ن) اذكره في كل ليلـه..
لا انتهى جدال المعاتب بين قلبي وبين عينـي..

ول.. يا كبر القهر لاصار ما باليـد حيلـه..
والجروح من القرايب والخطا منـي وفينـي!!


مما راق لي ...

صح لسانك
رووووعه

وان سكت وقلت هانت هم وسنيني تزيلـه..
اكتشفت ان السنين تزول والهـم محتوينـي!!


ابيـــــات رائعه

ربي يسلمكـ على الطرح الرائع

بشوق لجديدك ...كل الشكر لكـ

قصيدة راااائعة


وليس بغريب عليك هذا الانتقاء المميز

دمت في سماء الابداع