رسالة كويتى لجمهور العالمى وتقرير مكتوب من منتدى العربى

رساله اوجهها لجمهور النصر العالمي

فريقكم ما كان سيء ولكن فريقنا كان في قمه مستوياته
لاعبكم حسين عبدالغني كان افضل لاعب في فريقكم اليوم وكان يستبسل عشان ياخذ الكره ولعب بروح قتاليه
بس كانت النرفزه واضحه خاصه من لاعبكم اللي انطرد ولاعبكم اللي رقمه 27 مو ذاكر بالضبط بس كان يتناجر مع لاعب العربي وكان ممكن يتسبب في طرده لانه طق اللاعب بدون كره مرتين بس الحكم ما انتبه عليه
اتمنى تعطون دراغان فرصه ترى خوش مدرب وتكتيكه عالي
والله يوفق فريقكم
بالمناسبه
رابطتكم بيضوها وجمهوركم كان حاضر من السعوديه وهذا شي يدل على وفائكم لناديكم
كفو يا رجال
والسلام



----------------------------------------
بسم الله الرحمن الرحيم

ندخل بالموضوع على طول

التشكيله بالشوط الاول كانت كالتالي

خالد الرشيدي

علي مقصيد .. احمد الرشيدي .. والاس .. عبدالله الشمالي

شويع .. فهد الحشاش

جراغ .. السليمي

خالد خلف .. الموسوي

العربي كان في قمه مستوياته لي درجه ان اللي ما يعرف ان العربي اللي يلعب يحسب نفسه يطالع فريق اوروبي
اول ثواني كاد العربي يدخل هدف عن طريق لمسات بالكعب من خالد خلف وجراغ الى السليمي اللي شاتها فوق المرمى
العربي سيد الملعب اغلب الباصات صحيحه ما شفنا اي تقدم من لاعبين النصر
حسين عبدالغني يتسبب في ركله جزاء بعد عرقله خالد خلف داخل خط ال18
خالد خلف يحرز الهدف الاول للعربي
بعدها ما تراجعوا العربي بل اندفعوا زياده ما تسبب في ربكه دفاع النصر
خالد خلف يتسبب في ركله جزاء ثانيه للعربي لما تم عرقلته عن طريق دفعه من الخلف
الموسوي يحرز الهدف الثاني
عند دخول اللاعب المغربي بالشوط الثاني مكان الموسوي كان الجمهور في قمه وناسته
شفنا اداء رجولي وروح قتاليه من اللاعب المغربي لي درجه ان الجمهور كان يصرخ وقعوا له وقعوا له
اللاعب المغربي يخطف الكره من الدفاع ويسددها بالمرمى ويحرز القول الثالث
...................
احداث مؤسفه..
خالد خلف يقط الكره بين رجلين لاعب النصر وبعد ذلك يقوم لاعب النصر بضرب خالد من الخلف بدون كره فيطرده الحكم
يقوم هذا اللاعب بالاعتداء على الحكم ويمسك فنيلته يبي يطقه بس لحقو عليه الاداريين قبل لا يحصل ما هو اسوأ
.................
التبديلات..
المغربي مكان الموسوي
الحداد مكان ماذكر منو
اشكناني مكان خالد خلف لان المدرب خاف يطقونه ويعورونه يعني خالد مو متعور بس خفنا يعورونه
واعتقد صار تبديل بالدفاع
..........................
اجمل حدث..
اللاعب حسين عبدالغني راح حق كابو وسلم عليه وخذو بعض بالاحضان والجمهور صفق له ورد التحيه..

للاسف ما حضرت المباراه كلها وطلعت بالشوط الثاني دقيقه 40 ويقولون عبدالغني حط قول والمغربي شاتو كره لبست بويهه

بشكل عام
اذا هذا ظلوا لاعبينا على هالمستوي..ما نحتاااااااااااااج محترفييييييييييين

افضل لاعب..
العربي بشكل عام وخالد خلف بشكل خاص
والسلام

للعضو العرباوى F.Al.Matrook

يعطيه العافيه والله وصف لابرز ماحصل

من كلامه ان الوضع مو مره متازم ومن التقرير وكلام العرباوي الكل اكد

ان قوة تمارين اللياقه ادت لثقل لاعبين العالمي وكلام ابوعمر تاكيد لذلك

على العموم كلامه حلو الا في ما يخص عبااس مدري ايش صاير له ؟؟

يعطيك الف عافيه نصر مكه

يعطيك الف عافية نقل مميز صراحة

يعطيك الف عافيه وننتظر الايام القادمه لنرى النصر ومالذي سيحدث

مشكوووووور والله يعطيك الف عافيه

تحليل مميز من مشجع العربي والف شكر له صور لنا المباراة بشكل مختصر وعسى ربي يوفقه ويوفق ناديه ,,, الف شكر لك اخوي نصر مكه على النقل ولا هنت.......

يعطيك العافية على النقل
لا خلا ولا عدم.........

طيب النصر مهزوم 3 - 1

يعني المستوى زفت وش يبي يسوون بالاسيوية ؟؟

اشكرك



الرساله وصلت يعطيك العافيه

يعطيك العافية