يقول اااحبك حيل ...

يقول انا اعشقك ياشيــخــه الزين
ومهما ابكتب فيك ادري شويه

دنياي لاشفتك تزهر بساتين
وان غاب طيفك ذقت طعم المنيه

اذوب انا يابنت من نظره العين
وتذبح قليبي شفاهك النرجسيه


يقول انا وافي وابيك توفين
ابيك انا وياي صبح ومسيه

ويقول"احبك حيل"ويحب عشرين
ونفس الحكي قاله لهذي وذيه .!!


هذا ترى هو حال شبابنا الحين
يا للأسف ما عاد فيه حميه


كثرة فتن ولا هي قلة الدين
ولا البلا كله من ضعف البنيه..!

يابنت مابه حب في وقتنا الشين
والله يحبك لجل غايه دنيه

لامن قضى يرميك وانتي تخسرين
ومحدٍ ترى غيرك يكون الضحيه


والله من حبي لك ابيك تعرفين
منهو يحبك ما يجي بالخفيه

دوسي على قلبك ولا لا تبوحين
ولايضعفك حكيه وخلك قويه

وعوذي باسم ربك من الشياطين
والله يحفظك من كله زله وخطيه


وحبي هلك..كان بودك تحبين
وربعك وناسك والوجيه الهنيه
والصاحب الصادق بالعسر واللين
ومنهو طلب ايدك بشمسٍ ضويه

ذولا الذي من حبهم ماتملين
ومايلحقك من دربهم شر واذيه


نظمت لك حرفي من واقعٍ شين
وقتٍ ردي ونفوس جشعه رديه

لاتفكري قولي مجرد تخامين
ولامخاوف بايته بصدر بدويه

ولاانا مالي بدرب المحبين
ساقي كسرته لو وطى درب الخطيه

((سمعتي تسوى في عيوني ملايين ))

والله ما ارخصها مادمت حيه,,وترى الحكي مقصور على الرديين
((و ادري به رجالٍ مارضت بالدنيه)).

ممـــــا راق لـــي ..

صح لسانك اخوي عاشق هذه قصيدة بمثاية نصيحة .. تقبل تحياتي

حلوووه كثير الله يعطيك العاافيه

وصح لساان قاايلها

الف شكر لك اخي على النقل الجميل والاكثر من رائع والله لايهينك على اختيارك لهذا النص الحساس ولاعدمنا....

ابيات رائعه
يعطيك الف عافيه اخوي عااشق
على الطرح الرائع
نتتظرجديدك بكل شوووق

ااسعدني مروركم الرااقي

لاخلا ولاعدم