والله وصرتي تستهينين فيني

الشاعر:
حامد زيد



والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ

صصح الساااانكـ ولسااان قاائلهاا

يعططيك االف عاافيه

تدرين وش كنتي قبل تعرفيني ؟
ان قلت لك كنتي ولا حاجة شويّ

في الصميم ^__^

يعطيك العافية أخوي

اشكرك اخوي لاهنت ع الابيات

الله الله الله صارت سمة العصبيه من ابرز الاشياء اللي يبدع فيها الشاعر حامد زيد صح الله لسانه ولاهنت على النقل...

مشكووورين

ياأخواني

على الردود

ويعطيكم الف عافية

الله يعطيك العافيه على الإنتقاء المميز ،،