|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
فارس البقمي |
زًَèٌٍè÷هٌêèه ٌîâهٍû
بقلم : bozRoabs  |
قريبا |
|
 |
|
 |
 |
|
 |
||||||||
 |
|
 |
| صــوت الــجــمــاهــيــر الــنــصــراويـــه صــوت جــمــاهــيــر نــادي الــنــصــر |
 |
|
|
|
|
|
|
|
|
|
|
|
|
|
|
|
#1
05-09-2013, 12:59 AM
|
||||||||
|
||||||||
ليش تقولون بيفوز النصر ؟!
خسر النصر الاياب كما خسر الذهاب بالثلاثة واستحق الاهلي الفوز مرتين وبجدارة وابارك لهم التأهل وبصراحة مدري وش اقول من وين ابدا كلامي! وعن ايش اتكلم؟ وش بقى في النصر ماحكينا عنة؟ ما اقول غير ي ليتني مارحت الملعب ليتني نمت ولا وقتها عندي دوام وماقدرت والله مو عشان خسرنا من الاهلي (رايح جاي) بالثلاثة  لكن بسبب نظرة مٌحبطة ومشاعر متصادمة ودمعة بريئة اعتلت وجه محمد ولد اخوي طفل عمرة 8سنوات عاشق للنصر,, اصر انة يحضر معاي انا واثنين من العيال للملعب وليتنا ماحضرنا ولا اخذناة معنا مشينا مع اني خايف وايدي على قلبي لكن كنا متفائليييين واذكر ان خويي سأل محمد,, هاه حمود من بيفوز النصر ولا الاهلي ؟ هز محمد كتوفة يعني مدري ! التفت خوينا وقال بصوت عاااالي افاااااا وانا ابوعلي وقام يمدح النصر ويمجدة ويقول لمحمد بتشوف بنفوز على الاهلي وبنأخذ الكأس بعد وانا من باب الحماس قلت اية ي محمد هذا النصر مو اي نادي ! وفي الملعب بداية المباراة محمد معانا قووة حماااس وتشجيع وسجل السهلاوي الهدف وخميت محمد من قلب وشلته على كتفي واول ماقعدنا جاء فاول للأهلي,, والله عرفت انه قوول وقلتهاا للعيال وفعلآ سجل برونو.. لكن مازال جمهور النصر عنده امل وممكن نسجل هدفين ونرجع للمباراة من جديد كالعادة متفائلين, وابوعلي يقول لمحمد ماعليك اللحين تشوف العالمي وش بيسوي فايزيين فايزيين ان شاءالله بدا الشوط الثاني وسجل الأهلي الهدف الثاني لحظة صمت خيمت على مدرج النصر ومحمد يلتفت لي بوجه شاحب ودموعة بعيونة والجماهير من حولنا بدأت تشتم وتلعن وانا عيني على محمد وهو يتلفت بصمت وبدهشة , مات الحماس فية فجاءة اختفت الابتسامة وبان الحزن في محيا طفل, ومع الهدف الثالث بدأت الجماهير بالخروج من الملعب. طبعآ الشتم والسب مسيطر على الاجواء, واكثر ماتردد على مسامعي (فريقنا فاشل).. كل هذا يصير ومحمد مو فاهم شيي قبل لاينفجر بالبكاء قال جملة قتلتني قال ليش تقولون بيفوز النصر ؟!  وطاح بحضني صياااااح والله بغيت اصيح معة والله العظيم ماضاق صدري على الخروج من المنافسة كثر ماضاقت بي الدنيا على الي شافة هالولد اليوم مدري بيستمر بعشقة للنصر ولا بيمتنع عن التشجيع ولا بيقلب ( اهلاوي ) انا مالي دخل ابوه الي ازعجني خذوووه هذا لحاله اسد في المدرجات ههههههههههههههه اسد هاه شفناه الله يحفظة كان اسد في البداية وبس.. وحبيت اتكلم عن جمهورنا اذا حضر للملعب وخسر النصر للأسف بعضهم ينزل سب ولعن وشتائم يقشعر لها البدن, ياخي لو على هجمة ضاعت بنقول معليش اعصاب مفلوتة وقتها وطلعت بعفوية بس بعد المباراة خلاص انتهى كل شي انتقد تكلم طلع الي بقلبك بس بعيد عن السب والشتم .. انتهى الموسم ولن يفيد شي الآن انا برأي نصبر على فيصل بن تركي حتى انتهاء فترتة ثم يغادر بذلك يكون اخذ فرصتة كاملة .. ولة جزيل الشكر على ماقدمة للنصر اتمنى ان يتقدم لرئاسة النصر صاحب السمو الملكي الامير محمد بن عبدالله بن عبدالعزيز آل سعود .. ايه ولده طال عمرة كذا اضمن لكم رجعة النصر للبطولات وابشروا بالاجانب والفريق الذي لايقهر. آسف على الاطالة ودمتم بخير.. بالتوفيق لنصرنا بالموسم القادم اصبر يانصر وانصر ياصبر نــصـــرنــا 
|
|
05-09-2013, 01:10 AM
|
#2 | |
|
وفـي نشيط
|
ااااااااااااااااااخ يا خوي ,,,,,,
طولت طولت هالمره الغيبه ,,,,,,,,,, والله ما يرجع نصرنا الا حنا كجمهور ونبطل تطبيل والتغني باشياء ماضيه من حققها غير موجودين في النادي ,,,,,,,, حموووووووود عندك وعندي نواااااف ليتني شفتك في المدرج ,,,,,,,, |
|
|
|
|
05-09-2013, 01:59 AM
|
#3 | ||
|
وفـي فضـــي
|
اقتباس:
حياااك وبيااك اخوي زووووز صدقت والله ندمت اني قمت اطبل للنصر واذكر امجادة للولد يوم صاح حسيت اننا عيشناه بوهم وخليناه يتحمس وآخرتها انصدم بالنتيجة والمستوى والله العظيم المباراة الوحيدة حضرتها للنصر وندمت عليها يمكن عشان حمووود ولو شفتك ياخوي كان زين والله ابركها ساعه يالغالي يمكن الموسم القادم ماتدري ؟ بس اهم شي بدون نواف وحمود كافي صدماات لأجيال النصر .gif "1 (30)")
|
||
|
|
|
05-09-2013, 01:21 AM
|
#4 | |
|
عـضـو مـوقــوف لمخالفته قوانين الموقع
|
ياقلبي عليييييييييييهه والله كسسر خااطري
انا اقووله من الحين لا عااد يشجع النصصر خليهه يفرررح ?????????????????????????????????????????  مششكوور عالطررح ياخوووي وهاارد لك ولكل مششجع نصصرااوي اررق تقييم تقبل مرووري اختكك "الاميرة الصغيره" |
|
|
|
|
05-09-2013, 02:13 AM
|
#5 | ||
|
وفـي فضـــي
|
اقتباس:
هلا وغلا الأميرة الغالية هاردلك مرة ثانية شفتي كيف ! يلا الحمدلله على كل حال معوضيين خير بالموسم القادم ان شاءالله وماعليك بخصوص محمد يعيش ويأكل غيرها بالمدرج الشمالي ولا بيغير النصر والله جمهور النصر غير اطفال وشباب وشياب مدري وش السر في النصر ومحمد ابوه وامه وكل عمانه نصراويين ماعدا واحد مدري وش وداه للإتحاد والاهم من هذا كله والله ان الولد عاااااااشق نصراااوي ودموعة البارحة اكبر دليل ومابحياتي فرضت على احد يختار شي والنصر اختيارة يمكن بسبب ابوة وامة زي ماذكرتلك ومشكورة على المرور والتقييم |
||
|
|
|
05-09-2013, 02:34 AM
|
#6 | ||
|
عـضـو مـوقــوف لمخالفته قوانين الموقع
|
اقتباس:
ايهه والله شفت وياليتني ماااشفت الحمدلله على كل حاال بس خلااص ياجمااهير النصصر لاعااد تحضروون لاعااد تساندون خليهم يعرفون قدركم خليهم يسسسووون كل ششي عشان يراضونكم لاتخلوون عاطفتكم تغلب عليكم لاعااد تحضضروون انا اقوولها ياما ويااما اطلب من الجماهير انها تسساند النصصر لكن خلااااااص لاتحضروون خليهم يحسسون انهم غلطانين خلي الاداارهه تحس انها اخطت لما جابت لاعبين مو قد الثقهه والله كسسروا قلبي اللي جايين ومتعنين اللي من البااحهه واللي من الششرقيهه واللي من ،،،، حرااااااام والله حراااااااااام انهم يرجعوون بدوون لافررحهه ولاششي وكل مرره على كلمه (هاارد لكك) الله يعين ويعدل الحاال مالك الا الله يانصصر تقبل مروووري للمره الثانيهه واسسفهه عالاطاالهه اختكك"الاميرة الصغيره" |
||
|
|
|
05-09-2013, 06:43 PM
|
#7 | ||
|
وفـي فضـــي
|
اقتباس:
الله يسعدك ي الأميرة قبل المباراة كل مواضيعك عن الحضور والدعم والمساندة غيرتي رايك بعد ماوهقتينا وحضرنا على الفاضي هههههههههههههههه امزح والصراحة على قولتك القهر بس الشباب الي قطعوا مسافات من الشرقية والقصيم وغيرها ولا تحقق المراد حياك الله اختي الاميرة وابد مااطلتي بتعليقك والمتصفح تحت امرك |
||
|
|
|
05-09-2013, 01:26 AM
|
#8 | |
|
عـضـوه مـتـمـيـز
|
الله يعطيك الف عافيه اخوي
الله يكتب للنصر اللي فيه الخير والقادم اجمل ان شاء الله ادري تعبنا من هالكلمه بس نصبر نفسنا والتوفيق من ربنا طرح جميل بالتوفيق لك اخوي معوضين خير يارب |
|
|
|
|
05-09-2013, 02:17 AM
|
#9 | ||
|
وفـي فضـــي
|
اقتباس:
الله يعافيك حجازيه والحمدلله القادم اجمل بإذن الله مشكورة على مرورك الجميل لاخلا ولاعدم ومعوضين خير ان شاءالله |
||
|
|
|
05-09-2013, 01:35 AM
|
#10 | |
|
وفـي فضـــي
|
اولا الله يحفظ ولد أخوك
النتيجه مكتوبه ولكن عليك بالاسباب الكل سمع كلام المدرب وكلام اللاعبين والرئيس حنا نبني كلامهم عن المواجهه لان كله تفاءل وراح يقدمون مستوى .... الخ طبعاً الكلام بلاش من السهل تطلعه ومن السهل توعد ومن الصعب تجلب بطوله في ظل شراء عقود لاعبين لايعشقون الفوز ماعندهم روح قتاليه لاعبين راعين مشاكل مدافعين يدخلون دخول عنيف على مهاجمين الخصم قبل مايدخلون على الكوره ، رئيس ينظر إلى أتفه الامور ويخلق منها مشاكل اداريين لايستطيعون التهيئه النفسيه . مدرب أخطا ولكن ماعنده حسيب ولا رقيب التطبيل العاطفي مستمر سوا كان من الاداره على حسين ومشاكله وعصبيته وعلى بعض اللاعبين أو من الجمهور اللي يرفع اللاعب وينفخه واذا أخطا نزله تحت محمد نور كان التعاقد معه من باب التسويق والحين قمصانه تجلب للنادي أكثر من 100 الف ريال يعني النادي ماستفاد من الفلوس بس أستفاد من المبيعات اللي ماتخدم النادي ولا راح تخدمه في ظل غياب العقل بالنادي . رئيس ناادي في اول سنه كل كلامه سوف اجعل وسوف اجعل ومعاي 200 مليون واخر شي يكلم مكتب تعاقدات فاااشل ويجيب لنا لاعبين فاشلين مايخدمون الناادي ورئيس كل همه يكون رجل المرحله ويكون ابوخالد الثاني ( الله يرحمه) النادي اذا يبي بطولات لازم يسدد ديون اللاعبين القدامى والرواتب تنزل بوقتها ووقتها لكل حادث حديث . أعضاء شرف يحبون الاعلام بدون مايدفعون قعيطيه انا وش ابي فيهم تشتهر ع حساب النصر ولاتدفع لازم يدفع ضريبة الشهره والا ينقلع برى النادي باللي مايحفظه. مع العلم أن فيه معلومه من أحد الصحفيين يقول ان باستوس يسهر اذا كانت المعلومه صحيحه ف على النصر السلام واذا كانت خاطئه ف هذا لايعني النصر محارب بحكم ان مستوى الفريق سيئ ولايوجد فيه لاعب أجنبي يشيل الفريق ويصنع الفارق ، كل الانديه تعتمد على الاجانب الا نادينا يعتمد على حضور الجمهور وبالملعب اللاعبين ضايعين ! يعني بكل الاحوال لو كنت ناجح بنقول محارب لكن فريق فاشل بالله على شنو يتحارب على بطولاته اللي كل سنه ولا على لاعبين قادرين على صنع الفارق؟! # اذا تبي بطولات لازم تشتري لاعبين يعشقون الفوز اداري ناجح يمتلك الشخصيه واللعب في نفسية اللاعبين للافضل مع تواجد الرواتب في كل شهر تنزل بحساب اللاعبين # محمد بن عبدالله او حسام الصالح لو واحد منهم يستلم الرئاسه راح يتغير وضع الناادي للافضل بس الشغله وراثه مايبون أحد يستلمها الا منهم وفيهم ليمتى الاحتكاار؟! اذا أستمر العقل هذا قسم بالله حتى حواري ماناخذ بطوله الوضع مزري ياصديقي لكن قدر الله وماشاء فعل الحمدلله والشكر على كل حاال .. |
|
|
|
|
| الكلمات الدلالية (Tags) |
| النصر, بيفوز, تقولون |
|
|
|
|
|
|
|
|
||||
|
|
|
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بعد الوحبه الدسمه لابد من تحليه ماذا تقولون يا مشككين | سفيرالأصفر | صــوت الــجــمــاهــيــر الــنــصــراويـــه | 7 | 12-01-2013 07:41 AM |
| اتحداكم تعرفون من بيفوز | نمران | منتدى الصور | 11 | 03-12-2011 10:43 PM |
|
|
|
ادارة المنتدى غير مسؤوله عن التعامل بين اﻻعضاء وجميع الردود والمواضيع تعبر عن رأي صاحبها فقط |
|
|
 |
العرض المتطور
