ابيات جزلة من ضميري ومهداه، لآل السعود أهل الوجيه المسافير بمناسبة يوم الوطن

"سر ياقلم واكتب حروفاً منقاه، وأبيات ما تنباع بأغلى الدنانيرفي وصفها مثل العسل يوم نجناه

والذ واحلى من حليب المغاتيرالشطر وزنته وجودت معناه، واصبها صب الدلال المباهير

ابيات جزلة من ضميري ومهداه، لآل السعود أهل الوجيه المسافير بمناسبة يوم الوطن ما جهلناه

ومادام أنا شاعر بخلي المعاذير واليوم ذا طيب ويا طيب ذكراه، ذكرى مؤسس دولة العز والخير

عبد العزيز ويا عسى البيض تغشاه، عبد العزيز امسطِر المجد تسطير قضى على الفتنه على عدة اعصاه

اسلاحه البندق وسيوفاً شواطير ولم الشمل يالله تجزاه تجزاه، شرعه كتاب الله

وابدون تغيير وحد كيان المملكة والله اعطاه، حكمه شجاعه زادها زين تفكير

وانشأ المدارس والمعاهد ولا تاه، عن البدو واتوطنوا دون تهجير

وحجيج بيت الله لن جات تلفاه، اموفرٍ اللهم كل خدمة وتيسير تاريخه المشرق ترانا درسناه

ما قولها ياناس، كذب وتزوير وفي أول الميزان أعلن مسماه

يشهد له التاريخ وابدون تبرير واستبشر الشعب السعودي وهناه

وطار الحمام وغردن العصافير ملك ملك عزاه يالقلب عزاه

يبطن ما جابن كماه الغنادير واليوم ابو متعب عسا الله يحماه

نهج خطا من قبله واصل السير شاهين لا حراً ويا طيب مجناه

القول واضح ما يباله تفاسير يا ماسح ادموع اليتامى بيمناه

يمنى مثل ذاك السحاب المزابير قليل من مثله يسوي سواياه

ويجيره الله من صروف المقادير ولي عهد المملكة لا عدمناه

سلمان سبعٍ ومن سباعاً مغاوير زبن الفقير ومن شقا الوقت عناه

حلال كربات الضعوف المعاسير لقبت من شعار بسم وحفظناه

الوافي الوافي زبون المخاسير وانتم لدولتنا حصوناً مبناه

مثل الرواسي يالرجال المناعير وهذا الوطن بالروح والمال نفداه

والكم ولا منا وحشمه وتقدير اطهر ثرى حنا رماحاً على اعداه

واللي تبون يصير ويصير ويصير ودعيت رباً كل حيٍ ترجاه

انه يبصرنا على كل تدبير ويجعل ختام اعمالنا يوم نلقاه

ننطق شهادة حق وابدون تذكير وصلوا على اللي تمشي الناس بهداه

عداد ما غرد فالاغصان من طير‏...".
الشاعر سعود بن عبد العزيز الذويبي،

مشكوووووووووووووووووووووره يا غاليتى على مواضيعك رائعه والجميله
تغطياتك جميع لاقسام
ربي يوفقكك يحميكى

العفو يعافيك الله منور اشكرك

الله يعطيك العافية اختي علي الانتقاء المتميز// ضامي بطوله

اشكرك للمرور مميزنا يعافيك الله