لكل من أراد ان يحظر مباراة النصر والسد في قطر :: هنا شرح كامل للوصف من الرياض لقطر

السلام عليكم


مبروك الفوز على الاستقلال وعلى الوحدة ومن نصر الى نصر ان شاء الله


-


موضوعي هنا سوف أتكلم فيه لمن أراد السفر عن طريق البر من الرياض الى قطر لحضور ومؤازرة نصر الآسيوية

نعم أعلم ان لدينا مباراة مهمة أمام نادي الرائد قبل مواجهة السد القطري , ولكن موضوعي هذا الان مبكر نوعا ما بسبب ان يطلع عليه اكبر عدد ممكن من النصراويين الذين يريدون الحضور في قطر


-


من الرياض الى قطر 350 كيلو بالضبط

الطريق سيدين ومريح جدا جدا ولا فيه أي خوف

بعض الناس يقولون ان من الرياض إلى قطر 500 كيلو , نعم 500 كيلو اذا كنت ماسك طريق الاحساء او منفذ البطحاء وعموما هذا الطريق جدا سيء لانه سيد واحد ويروع , وانا هنا سوف اذكر لكم افضل طريق وأقرب طريق من الرياض لقطر وهو 350 كيلو فقط


-


اولا : امسك طريق الرياض الشرقية المعروف واذا قطعت 200 كيلو بالضبط بيجيك مخرج مكتوب عليه ( النعيرية ) اطلع مع المخرج واذا طلعت مع المخرج خذ يمين وأول ما تاخذ يمين بتجيك لوحة مكتوب فيها قطر 150 كيلو , وخلاص هنا خليك ماشي سييييييييييييييييييييييده لاتروح لا يمين ولا يسار , الى ان يأتي لك منفذ سلوى وبعده ادخل المنفذ وتدخل قطر , وأول ما تدخل مع منفذ قطر برضوا خليك سيده 80 كيلو الى ان تدخل الدوحة

وعموما هذا افضل طريق من الرياض الى قطر وأقرب طريق وكلها 350 كيلو فقط , والطريق كله سيدين ومحطات ومريح جدا جدا ومافي منه أي خوف


توضيح :

( الدخول الى قطر يكفي ببطاقة الاحوال الجديدة ومب لازم الجواز , اذا معك بطاقة احوال جديدة تستطيع الدخول )


-


المباراة بتكون يوم اربعاء وبتكون الساعة 6 ونص مساء وأنصح أي واحد يريد الحضور انصحه بالسفر من الساعه 12 ظهرا عشان ان شاء الله يكون واصل 4 العصر بالكثير , وانتبهوا ياشباب من السرعة انتبهوا تكفون


-


وباذن الله بستمر أرفع هالموضوع يوميا الى يوم المباراة واتمنى اكون قدمت موضوع فيه فائدة لكم

م\ن

يعطيك العافيه شكرا ,.

مشكور يالغالي وفالك التقيم وبأذن الله حاظر المباراه جاي من مكه لعيون النصر

اشكرك جزيل الشكر

جزااااااااااااك الله خير

طيب لي بيروح جو كيف ههههههههههه
ان شاء الله نتلقاء بالملعب

يعطيك الف الف عافيه وربي شرح يشرح الصدر وفيه توضيح تااااااااام
كلك ذووق وربي حتى نصايحك الحلوه بالاخير تدل على طيبة قلبك
وبأذن الله ان جمهور العالمي بيكونو بالموعد وكذلك العالمي ولاعبيـه
يقدروا لجمهورهم العزيز هذا التعب ويجيبو نتيجة مشرفه تقربهم مـن
التأهل بأذن الله وعزته وجلاله ... تحياتي يالغلا مره اخرى......
محبك ..ضامي بطوله ...

يسلموااااا علي المرور الجميل

اخوي لوس ..
أنا جديد بالمنتدى وسجلت علشان موضوعك.. مشكور على جهدك
بس ابسألك .. رجاء لاتهملني ..
أنت جربت الطريق لأني أول مرة أسمع أن المسافة 350 اللي اعرفه المسافة لاتقل عن 500 كيلو..
الشي الثاني انت جربت الطريق اللي تقوله لان اللي اعرفه انك تفرق مع مفرق الهفوف بعد 250 كيلو
ثالثاً أنا بامشي 12 الظهر يوم المباراة ان شاء الله فان كان كلامك مضبوط فراح يمديني الحق عليها ولا اتأخر باذن الله..

وصف ولا اروع يعطيك العافية يالغلا

اشكرك


يعطيك العافيه

ان شالله يكون جمهور العالمي بالموعد

يعطيك العافيه اخوي على التوضح
ان شاءالله جمهورالعالمي في الموعد
والله يوفق نصرنا