معقول ماتت هيبه النصر

معقول ماتت هيبة النصر ياناس ..............
.............. صرنا هوى المتردية والنطيحة
يا اعضاء شرفنآ ممكن شويّه احساس ..............
.............. الهرج زايد ، والموارد شحيحه
النصر صار "اضحوكة" الوقت والناس ..............
.............. من عقب ابوخالد عسى الله يبيحه
بعدك يارمز النصر مانعرف الكاس ..............
.............. وبعدك مآ اضنّ إنشمّ للمجد ريحة
وبعدك يارمز النصر مانرفع الراس ..............
.............. طيحة وتقفآهآ ثلاثيــن طيحه
وبعدك ترا مافيه حاجه على ساس ..............
.............. والنحس فينا ما قدرنآ نزيحه
وبعدك لبسنآ العار واتبآعه الباس ..............
.............. وذقنا من اسهوم الزمان الجريحه
صار الخصم قادر على كتم الانفاس ..............
.............. وانفوسنا ماعاد هـي مستريحه
وفى جمآهيره على غير مقياس ..............
.............. وعشانهم شبّت عليّ القريحه
شعبً وفي للعشق والحب نبراس ..............
.............. يعطي على عشقه دروسً صحيحه
لكن عقب اليوم مافيه مجلاس ..............
.............. يافيصل احذر كان تبغى النصيحه
نعم نثق بك لكن الوضع حسّاس ..............
.............. وإن زآد عن حدّه حرقت الشريحه
كرامة الفارس لها اسنين تندآس ..............
.............. فضيحــةً و إتجرّ معهآ فضيحه

منقوووووووووووول

الله يكوون بلعوووون
يسلموو خيوو على الطرح الراائع
مااقصرت

الله يسلمك اختي حلاتي قحطانيه ومشكوره على التعليق

صح لسان قايلها وناقلها

يعطيك العافيه اخي

هارد لك الخساره

تقبل مروري

صحيت كلك اخوي حبيبي النصر

الله يعافيك اخوي ولف باك ومرورك اسعدني

يعطيك العافيه شكرا,.

صار الخصم قادر على كتم الانفاس ..............
.............. وانفوسنا ماعاد هـي مستريحه

هذا البيت على الجرح

صح لسان القايل وسلمت يمين الناقل.

اخوي الغالي محمد
اولا مشكور على ذوقك الرائع بأختيار هذه الابيات الشعريه
البالغه بالوصف ولكني اتمنى منك اذا كان عندك علم بكاتب
القصيده بذكر اسمه .. واضح انه شاعر كبير فقافيته في قمة
الروعه من ناحية الوزن والتصوير والاحساس ..............
واحب ان اضيف على ماذكر اعلاه بعض الابيات من شخصي
بعد الاماني والفرح صابنا الياس
وفاضت علي الشاعر عليه القريحه
شاف الوجع يضرب على هامة الراس
وجمهورنا ضاقت عليه الفسيحه
وقم يتصفق يده اخماس بخماس
وفي كل جوله له مواعد فضيحه
ومافاد نصري دق طبل ولاتراس
لاصار نصري به طعون جريحه
واليه رئيس مامعه نبض وحساس
ولامن وعد ماهي مواعد صحيحه
كنا نظنه شخص مليان بالماس
ودراهمه تشفي الجروح الجريحه
لكن طلع رئيس وطفران بافلاس
وماظنتي قادر يدبر ذبيحــه
مما بنفسي قلت اكتب بقرطاس
مشاعرا صارت هواها طريحه
متى النصر ترجع له الروح وانفاس
ويرتاح من اهل النفوس الشحيحه
ضامي بطـوله