رحلة صيد انا و صديقي النصراوي..

(بسم الله الرحمن الرحيم)

السلام عليكم ورحمة الله وبركاته،،

خرجنا للصيد رغم تحذير خفر السواحل لنا بآن الجو لا يساعد على الصيد فالجزر كبير ولا امل لمد الا في المساء،،

غير آبهين بذلك مسكت انا وصديقي سنارتين وشبك وركبنا الطراد واتكلنا على المولى عز وجل..

ما ان اتجهنا حتى التفت الي صديقي النصراوي وقال ..

محور نقاشنا يابوراشد !

قلت تهقى صادق الرقيب اول !!

قال النصر؟

قلت سيآتي الاحساء ،،

قال هل سمعت ماقاله خالد راضي ،،

وانهم ليسوا على قلب واحد ولايلعبون بروح!

هل تصدق هذا ودعك من مفردة الرئيس والاداره وتعال قل لي ..

من اعطاهم الحق بحرق قلوبنا ..وخنق روحنا ..

او هو حق على النصر ان حضرت الروح غاب من يحملها وان حضر القادر على حملها ذهبت الروح..

كانت الروح وحدها هي من تنقذنا وهي الان من يقتلنا..

اراد ان يسترسل .. قاطعته!

اين الطعم (الميد)!!

لا اره بين الاغراض فتشنا عنه لم نجده ..نظرت اليه ..

اماء بمد (الشفاه السفليه)!!

انتابني غضب ونظرت ورائي واذا بالشاطيء (السيف) لا يرى..

واذا به يخرج (تمرا ويضعه بدلا للطعم) ويقول القريني السبب !

حارب الموينع وابعده ..والزيلعي وخفت نجمه ،،والسهلاوي وريان والكثير..

هم لا يريدونه..ولكنه متشبث بالراتب..

اخذت سنارتي (التمريه) ورميتها من دون نفس ..

تابع حديثه ..

اوربما الرواتب لها دور فهم لايستلمونها في وقتها،،

التفت الي وقال ..وش فيك ساكت ..ليه ماتناقشني والا لازم (كيبورد)!

اجبت ،،لا اعتقد ان السناره ستلتقط شيئا الا ان كان السمك هنا (حساوي)..!

وياصديقي العزيز ..يامن نسى الميد قط الشبك..وسآناقشك..

بالفعل اوقفنا الطراد ورمينا الشبك ..ودار الفنجال وراق البال،،

قلت له كلامك على متمه ياصاحبي..

صدمني ماقاله الشجاع خالد راضي..كما صدمك ..بل تمنيت ان يكون الخلل فني في الفريق..

رغم علمي بآن اللاعبين بلا روح وقد ذكرت ذلك مرارا وتكرارا ..

الا انني حاولت ان اقتع نفسي بالعكس ..فالنصر روحه لوحدها تنتصر،،

حتى اعادني كلام الاسد راضي الى واقع نصري.. كمن هز كتفي وقال ((هيه اصحى)!

نحن نحطم قلوبكم وانتم تشجعوننا على ذلك..

انتم عملتم لنا التراس..وليتكم تطلقون الرصاص.. في الهواء لتشيعوا ارواحكم بجنازه عسكريه..

تستحقون ذلك وهذا اقل واجب لكم..

نضحك على عقولكم ،،تجيبكم كلمه وتوديكم،،

نهزم في الملعب نعدكم بالتعويض ..تصدقون تآتون..ولكننا لانعوض!

خذ عندك مثلا ..رئيسنا..

كم وعدكم ..هل اخلف ؟

الم اقل لك ..نعدكم ونخلف وتصدقون بل تآتون تشجعون!

زميلي عبدالرحمن القحطاني..

الم يخرج لكم بعد كل هزيمه يعدكم بالتعويض وتحسين مستواه..

هل اخلف؟

الم اقل لك ..نعدكم ونخلف وتصدقون..بل تاتون نشجعون..

سعد ..حسين ..حتى انا وعدناكم واخلفنا..

ولانه داء معدي ،،

اصاب ..كميخ وفارس الصحراء (عنتر)!

والآن نعدكم بآن تعود هذه الروح فهل ستآتون وتشجعون..

نظرت الى صديقي وقلت له..

هل ستذهب لمباراة هجر وتشجع؟

اجاب اكيد..

مسكين صديقي لا يآبه لمن يخلف وعده معه ،،

يوعده ويخلف ولا يتعب ولاييآس!

مسكين انا فسآكون معه ...

سحبنا الشباك بلا صيد وعدنا ادراجنا ولسان حالنا يقول..

ليتنا صدقنا الرقيب اول ،،كما صدقنا وعودكم..

دمتم بود،،

موضوع مترابط ورائع جداا ونسج مابين خيال وحقيقه

وتسائل يحمل اجاباته في طياته

فهنيئا لنا وهنيئاا للمنتدى بمبدع في قامتك وابداعك


شكرراااا ولك تحياتي


wolfpac2011

شكرا لك اخوي بوراشد على النص الرااائع ولعلنا نرى نصراً يفي بالوعود حين يعد وعسى يكون الفرج قرييييب...

موضوع رائع
عجبني إنت وخوك بتحضرون مباراة هجر كفوو

الله يوفقك موضوع جميل وقصة رائعة وواقع مرير
الا قبل تروح المباراة شوف الضغط والسكر وبعد المباراة قيسهم راح تشوف عجايب الله يوفقك ويحميك من جميع الامراض وربي ان شاء الله يتم صحته عليك .

موضوووع راقي جدا"
وان شاء الله يوفون بالوعد رجال العالمي

لاهنت على الموضوووع يالغالي

يعطيك العافيه شكرا,.

تنشد عن الحال يابو راشد هذا هو الحال

عسى الله يصلح الحال وانا وصلت الى قناعه تامه اما التغيير في الاداره واما رحيل الاداره

لان الاداري الناجح هو من يستطيع ان يستخرج كل طاقات مرؤسيه في سبيل تحقيق اهدافه

شكرا لك ابو راشد

الله يصلح الحال
ويكون ع قلب واحد مفعم بالروح والحمااس
يعطيك العافيه استاذي ع الطرح الرائع
لاخلاولاعدم

كنت كعادتك اكثر من رائع في طرحك

استمتعت جدا بالقرائه وحزنت كثيرا على واقع الحال
تحياتى