قصيدة : حيالله العالمي .. !!

أهداء خاااص لعشاق وجماهير الوفـــاء ..
وأمل إن يجد ولوالقليل من الإستحسان ...

حيالله اللي كل ماحل طاريه = تفزله صدق المشاعر على شان
لأقبل وفاها في دروبه تحييه = وينصاغ له من ندّر الفكرمرجان
لايق عليك أسمك ولبيه لبيه = والعالمي يجسد لقب والنصربرهان
النصر له روح ٍ ملكها وتغليه = دم ٍ جرى من نبض حبه لشريان
أقدره من قدر حبي لراعيه = وأموت ظامي ماأرتوت كبد ولهان
عالي ولا خيّب رجاء من رجاويه = على الطليعه للصدرات عنوان
لاشك أنا عندي غلا زايد ٍ فيه = من فن مدري ذوق وإن قلت غلطان
إلا على فنه وذوقه وطاريه = أبهر عقول ٍ ذاهنه وألجم السان
الفعل ثابت وأحتمى القول مبديه = من سابق الماضي وله حاضر أوطان
يكفيك صدره لاتسامت معاليه = عنيد خصم وقاسي (ن) مابعد لان
أحترت من زودالغلا وين أوديه = لافاق مقدار الغلا نون الأعيان
متعب خصومه فاللقاء ماتجاريه = وأن شهد أنه حد للسيف شامان
خصمه .. هدر دمه وكنه مذكيه = هيبة ملك في سطوته موت الإنسان
يقفي جماهيره بعزه تعزيه = وتقول له مرحوم زايل وماكان
يمين يأخذ به .. يساره يوديه = فنان يتقن مهنة اللعب فنان
محد(ن) يسوي مثل ماهو يسويه = نجم ٍ تعلا وأعتلا كل مابان
قولوا لي أسمه ياعرب وش أسميه = ميزان راجح به على كف ميزان
يارب حفظك لأصفر اللون تبقيه = وللعالمي يارب تبطي به أزمان
هذا ونزف الشعر وأجمل معانيه = لاهان رأس الطيب والعز لاهان

نزف :
أخوكم : سعد المسعودي
[ الحرالأشقر ]

صح لسانك وعلا شانك
قصييد ه راائعه
يعطيك العافيه استاذي ع القصييده الرائعه
لاخلاولاعدم

ماشاء الله راق لي ابيات روعه اشكرك ياخوي ولاهنت
ربي يوفق نصرنا

ألف مبروك .. نزفها بالحب والوفاء لجماهير الوفـــاء
بمناسبة فوز العالمي ..

أحترامي

لا هان

الله الله الله

كنت هنا .. وقرأت قصيدة عذبة المعاني ،،

أخي الكريم

حرفك مزهر ،، وبوحك عميق ورائع ،،،
متعك الله بالصحة والعافية ،،،
ودام هذا التألق والإبداع ،،،
ودي وتقديري

ابدااااع وصح لسانك .....

صصصح لسسسسسسسانك ياششششاعر العالمي وعلا شانك ابيات بغابة الروووعة لاخلاولاعدم

صح لسسانك ي خوي
بتوفييق لنصصصرنا #

عاشووووووووووووووووووووو


رووووووووووووووووعة


والف مبروك

صح لسانك وصح منطوقك يستاهل العالمي
حروفك دايما تحمل التميّزوالجمال
وهنا بين حنايا حروفك
يتأجج ابـداعك وتتـوهج أبجديتك نوراً براقاً
اعجبتني كثيرا كلماتك التي تلامس الابداع
احسـاس يــفوق واقــع الحياة
اقـدم لك احترامي لقلمك المميز
الذي يرسم لنا دائماً اروع الكلمات
سلمت يمناكاستاذي ودمت على الابـداع
لك احترامي وتقديري
وشكرالك