ليتني قبل أجازف واعشقك

ليتني قبل أجازف وأعشقك مستخير
كان نبقى على طول الزمان أصدقا

وليت أنا وأنت نتشارك بنفس المصير
لكن الوقت قاسي والظروف محقى

شوفتك كنت أبيها بس جت فالأخير
كاتب الله يجي يوم الموادع لقا

ألتقينا وكان الدمع سرً خطير
ودّه يشاع لكن بالعيون اتقى

بعدها غبت لكن شف غلاك الكثير
كلما طحت من عيني خذاك ورقا

بعدك أكشف وجيه أصحاب وتصير غير
وأكشف وجيه عدواني وأحصّل نقا

مافقدتك ولكنّي غديت الفقير
آتسوّل فرح ليلة ويومي شقا

واتظاهر بنسيانك وحزني فـ بير
ماحدن حس بأحزاني ولااحدن هقى

إني اللي فقدت من الورود العبير
وإني اللي رحل نصفه ونصفه بقى

يكفي إني ابأبقى في عيونك كبير
مانزل دمع عيني فوق الأرض وسقى

بس ياليتني قبل أعشقك مستخير
كان نبقى على طول الزمان أصدقا


ممــــا راق لي ...

صــح لــساانـ شــاعــرهــأ ويعــــطيك الــعافـــيه ع الاخـتــيار المــميز

صح لسانك على القصيده خيو عاشق
وتسلم إيديااتك على النقل الراائع..

ابياااااااات رائعه
يعطيك العافيه
تسلم اناملك على الطرح الجميل
لك ودي واحترامي

يسلموا عالقصيد الرائع ربي يعافيك

صح لسانك
ابيات قمة بالروعة
يسلم احساسك