قصيده نصراويه

مانيب متصدر ولايدري به
مركز اخذته وماحسبت احسابه
مركز يناسبني ويتشرف بي
واشوفني في ذا المكان اولى به
ابتكل على الله ونعمن بالله
اللي مايوصد دون خلقه بابه
بالعب وجمهوري يقيم لعبي
ومن كثرة الحساد ماني آبه
الحمد لله واثقن من روحي
وان كنت ذيب فالبقية ذيابه
مااقول انا احسن نادي في الدنيا
لكن فريقي كفو وانا ادري بــــه
الله يبيض وجه ابوتركي
عزالله انها تنحسب لحاسبـــه
والله يبيض وجه جمهور نادينا
اللي مايسمع غير من اصحابه
الدوري صيد وكل نادي قانص
ولكن يدسم شاربه بمخلابـــــه
احدن فريقه سهل واحدن اسهل
واحدن نعرف وشلون نتعشا به
شاركت في الدوري وانا راعيها
وكلن على الدوري يهيج ركابه
والله اذا قال والله قادر
اني لاسطر مجد يتغنى بـــــه
وان عودت بين النوادي فزعــة
جمهوري الوافي يفل اشنابـــــه
شوفي دمي من المحبه اصفر
احب هالنادي واحب احبابــــــــه
متصدر الدوري ولااكلمهـــــــم
اللي يحسبون البطوله نهابــــــه
وان ماخذت بطوله هذا الموسم
فعقبني الفنجال ياصبابـــــــــــه

صح لسانك يالغالي عبدالله العتيبي
وبيض الله وجهك قصيدة رائعة
وبأذن الله تعالى الدوري للنصر
وبطولات هذا الموسم نصراوية بحول الله وقوته
يعطيك ألف عافية

صح لسان الشاعر وسلمت يداك للنقل الرائع
الله يعطيك العافية
والله يوفق نصرنا يارب

صح لسانك يا العتيبي

ابيات جميله

يعطيك العافيه

صح لسانك ولاهنت يالعتيبى

مشكور على النقل وصح لسان شاعرها
ضامي بطوله