ليالي العيد تبان من عصاريها .

بعد آخر مقال لي اللي هو بعنوان عوير وصوير واللي مافيه خير حبيت التزم الصمت وانظر ماذا سوف يحدث في الايام القادمه لعل وعسى أن أكون غلطان ولكن للأسف الشديد فالنصر في كل مكان فيه هنالك مشكله وليس لها حل ترقيعي ليس لها إلا حل جذري والبدايه من الأساس وهذا الأساس يتمثل في عدة شخصيات وسوف افصل فيها :

اولآ : أعضاء الشرف

ليس من المنطق أن فرد يسيطر على مجموعه واذا كانت كذلك فاليرحل الفرد لتبقى المجموعه وانا هنا مع سياسة الامير ممدوح بن عبدالرحمن ومع ماقال واي إنسان لديه كرامه لايرضى أن يدفع وهو مجرد أن يبصم على قرارات الفرد فأنا هنا أقول لابد من رحيل الوليد بن بدر من نادي النصر .


ثانيآ: الاداره

قرارات فرديه إرتجاليه من العام الماضي فليس من الفكر أن الهلال اتى بلاعب روماني ان آتي بلاعب روماني مثله , رئيس الهلال يرد على جماهير الهلال بصفحته بتويتر ورئيسنا يقلده في ذلك , اضف على ذلك تطاوله على نجوم النصر على من صنع المجد لنا , تعاقدات هذا العام ليس بها جديد باقي على انطلاقة الدوري اقل من شهر ونحن لم يكتملوا اجانبنا فمتى يكتملوا مع الدور الثاني ,


الجهاز الاداري :

ليس هنالك جديد سوى انضمام الخلوق علي كميخ واتمنى ان يبعد عن القريني ويتخذ القرار الذي يفيد الفريق لاالقرار الذي يرضي الاداره .


الجهاز الفني :

خلال مشاهدتي للنصر من عشر سنوات ومشاهدة اول مباره وديه للمدرب الجديد مع بني ياس لاجديد معروفه ومحفوظه طريقة اللعب التي يلعب بها النصر فلم اشاهد شكل دفاعي للفريق منظم ولاشكل هجومي مميز لم ارى جمله فنيه تكتيكيه جديده على شكل الفريق .



ختامآ وتذكروا كلامي جيدآ:


إنها سنة أخرى صيامآ عن البطولات ، إنها سنه جديده من الاسى والحرمان كان الله بعوننا جميعآ.





صيامآ مقبولآ إن شاء الله على الجميع

اخوي يوم الفريق مخيس ممدوح الي تقول انك معه ترك الفريق بعد ماحطه في الوحل ويوم جو الرجال وبدو يرجعون الفريق للمسار الصحيح شفنا الحرامي قصدي الشيخ ممدوح نط لنا وقام يحط عيوب في الاداره وانت من وراه والمطبلين له واجد يا اخوان الله ماشفناه بالعقل عرفناه وش النصر قبل فيصل بن تركي وشنو النصر بعده يا اخوان انتو تبون مصلحة النادي او تبون مصلحة الاشخاص وتفكيرك ان الاداره جابت لاعب رومان اول شي الريس ماله دخل زنقا الي جابهم وثاني شي اول من جاب لاعب روماني النصر وقولك النصر بدون بطولات هالسنه البطولات علمها عند الله الاتحاد قبل موسمين افضل فريق في السعوديه ولاحقق والاهلي العام المركز 7 وجاب بطوله يعني كلها مجرد توفيق من الله

الله يعطيك العافيه&&&مشكووووور على الطرح الرائع
بالتوفيق للعالمي

النصر فوق كل شي


تحيه طيبه لك اخي ثم اريد أن اوضح لك بعض النقاط التي سقطت سهوآ او جهرآ منك في عهد ممدوح بن عبدالرحمن النصر دخل للمربع الذهبي بدون اي لاعب اجنبي ثم في عهد فيصل والواليد الفريق كاد ان يهبط للدرجه الاولى بسبب تنسيقهم للاعبين دفعة واحده ثم انا لم اذكر بالعموم انني مع ممدوح بن عبدالرحمن انا ذكرت في موقفه في اجتماع الشرف فهو قال نريد تصويت ولكن هم لايريدون تصويت فغلب راي الفرد على راي الجماعه .

ثم في عهد هذه الاداره ماهي المنجزات التي تحققت ديون متراكمه وتصريحات غير محسوبه وتهكم على نجوم النادي السابقين والتعاقد مع مفلسين فنيآ .

ومعلومه لك ولغيرك من المطبلين لكحيلان كل مادفع ويدفع هي من عقد الاتصالات وليس من جيبه ريالآ واحدآ والدفع المقدمه كثيره جدآ.

سؤال اخر لك وللمطبلين من ابعد عمران العمران والطويل وايمن باحاذق وعجينه والعمري وغيرهم اليست هذه الاداره انها يااخي هذه منجزاتها وكفى .

نعم صح اخوي وصل المربع الذهبي بدون لاعبين اجانب بس ماقلت لي ليش الفريق كان بدون لاعبين اجانب اقل شي ياعزيزي الاداره الحاليه تجيب اجانب ماتمنع من الاجانب لانها تسرق حقوق الاعبين ياعزيزي اقل جمهور النصر متأكد منه الان ان النادي ماراح ينسرق اذا بيعطي النادي او مو سارق منه

الله يعطيك العافيهــ على موضوعك ,,
وحقيقةَ نحن تهمنا مصلحة النصر وليس مصلحة أعضاء الشرف ..

وبالتوفيقــ للعالميــ

ردا على سوالك اخوي الي ابعدهم ممسوح لانهم اذناب له ولايبيهم يدعمون فيصل بن تركي هاذا اول شي انا بقولك وش انجازاته كاس اسياء متى اخر مره رحت لها من متى صرت تفوز على الافرقه بالاربعه والخمسه وبالسته قبل كنا نستقبل بهالارقام لاعبين سعوديين ينافسون على افضلية اللاعبين بالدوري وبشهادت الناس الاكفاء بهالشي يا عزيزي قبل فيصل بن تركي كنت انت وكثير من جماهير النصر اذا حطيت على القناة الرياضيه تغير القناة لانك مؤمن ان الفريق مهزوم والان تقارع الكبار خلال ثلاث سنوات من فريق يصارع على الهبوط الا فريق ينافس كل هاذا وشنو انجازاته وبعدين احنا مو مطلبين احنا نقول فيصل بن تركي عنده اخطاء بس هو احسن الموجودين اقل شي مو حرامي وبعدين تقول مو دافع من مخباه ريال واحد الاخو حاط كاميرا عليه صفقة السهلاوي 33 مليون عبدالرحمن القحطاني 15 مليون رزفان 25مليون بتري 18 مليون المحور الارجنتيني 4 مليون يورو وميتين الف هاذا غير تجديد اللاعبين السعودي الي لو اعدهم بيذن المغرب ماخلصنا وبعدين الي يطبل ياعزيزي الي يرفع من شخص حرامي يسرق النادي حتى حقوق ماسا الى الحين مارجعها لا ووججه قوي حاضر الاجتماع وينتقد

النصر قبل كل شي


تحيه طيبه وبعد

بالنسبه لما ذكرت ففعلآ كلامك صحيح النصر أصبح يقارع الكبار اللحين والدليل انه حتى الصغار ماقدر عليهم والله العظيم أن اغلب جمهورنا العزيز ليس عنده ثقه بنتيجة المباراه سواءآ مع الكبار او مع الصغار ثم بالنسبه للصفقات التي ذكرتها بالنسبه لمحمد السهلاوي دفع مبلغه على دفعتين وكلها من عقد الاتصالات السعوديه واعتقد أنك تذكر أن النصر تأخر في الدفعه الثانيه وكاد القادسيه أن يشتكي النصر وصرح بذلك ثم بالنسبه لصفقة القحطاني فهي 10 ملايين ودفعها عضو الشرف المبعد من الاداره عمران العمران وبالنسبه للصفقه الناجحه جدآ جدآ رازفان فهي من دفعة الاتصالات ولمعلوميتك الصفقه الاخيره التي تمت ليلة امس خالد الغامدي المتكفل بها عضو شرف وهو الامير محمد بن عبدالله :

ثم لمعلوميتك انا مع النصر الكيان ومع من يخدم النصر بدون كذب وضحك على الجمهور على الاقل ممدوح بن عبدالرحمن يأتي باجانب مميزون مثل موسى صايب اسماعيل التريكي فوفانا وخوليو سيزار وترينيو وبوسكاب فماذ ا جاب الرئيس الحالي عوير وصوير واللي مافيه خير، وبالنسبه لقضية ماسا أسأل عنها الوليد بن بدر وش قصتها فهو اخبر بها .



في الختام ان عدت عدنا لتوضيح الكثير من الامور الشائكه


دمت بود اخي

ياعزيزي عقد الاتصالات 42مليون لمدة سنتين يطلع 84مليون ياعزيزي تعاقدات اللعيبه خلال السنتين تعدة 130 مليون اجانب وسعودين انتى فين والحب فين تتكلم عن ايش طيب شنو الفايده من انك تجيب اجانب غالين ولاتعطيهم فلوسهم وتحرم من تسجيل اللاعبين ياعزيزي سالفة ماسا اول مره اشوف عقد مدى الحياه ناوي ياكل من النصر لين يموت بس كحيلان جا وطرده هو وماسا واكبر دليل هروبه من الاجتماع عشان 100 الف قيمة العضويه الشرفيه وانسحب من اعضاء الشرف لا لتطبيل للحراميه ياعزيزي الجماهير النصراويه واعيه واكبر دليل يوم طردوه من التمرين وكل شي واضح الا عند الشريحه الصغيره الذين لايعرفون عن النصر الا عن طريق الجرايد وتصاريح يو اف ام راح يجي اليوم وتعرف ان ممدوح يدور مصلحته الشخصيه على حساب النادي سوال جاوب عليه بينك وبين نفسك ليش ممدوح ترك النصر يوم كنا نصارع على الهبوط ولاعاد شفناه وهالايام طلع لنا كالرجل الشجاع الذي يريد ان ينقذ النصر

لي عوده للتوضيح والرد في وقت اخر