متى الليالي تعيد أفـراح منهوبه

متى المسـافـــات ننهيها ونطويها
. . . . . . متـى الليــالي تعيـــد أفـراح منهوبه



ياغامض الوقت لاتخفـي مواريها
. . . . . . هــذي حقـوقـاً لنـا بالغصب مسلوبه



قضيّة البعـــد ماشاورتنــا فيها
. . . . . . مـدري سبايبك ولاّ الوقت واسلوبه



أشوف الايام ترميني وانا ارميها
. . . . . . ومابيننا صــارت الاوضــــاع مقلوبه



على طريق النكد تقصر خطاويها
. . . . . . تمشي على كيفهــا والنــار مشبـوبه



ياحرق قلبي عجزت افهم مماشيها
. . . . . . ونـفـذت مطلـوبهـا مجبــور بعجــوبه



لجل الذي زلزل الخفّــاق طاريها
. . . . . .من عقب شوفه ياليت اشوف مندوبه



يبعد بي أعنف هواجيسي واناديها
. . . . . .وانا أعـرف أنّي مغلوب وهيّ مغلوبه



يجيبهــا لي خـيــالي ثم يخفيهــا
. . . . . . في مقطعة ماعــرف دربـي من دروبه



ذي حالتي والقهـر يمشي بتاليها
. . . . . .الواقـــع اللّــي به الأحـــلام معـطـوبه

شعر/ فضي الهدباني

ابيات جميله كجمالك
في الطرح تسلمي..#

منوره يابعدي
اشكرك جزاك الله خير

ابيات بقمة الروعه الف شكر لس


كودرد ^_^

اشكرك للتواجد ومنور اخوي

الله الله عليك وعلى ذائقتك الجميله الف شكر لك على النقل ولاهنت...

منور اخوي يعطيك العافيه

أبيات جمييلة
تستحق الوسام بكل جدارة
ألف شكر لك روحي العالمي
^_^