| .. جميع قصائد الامير بدر بن عبدالمحسن .. |

بسم الله الرحمن الرحيم

بإذن الله سوف اطرح عليكم جميع قصائد الامير : بدر بن عبدالمحسن
واتمنى من الله ان يعينني على رضاكم

| رديني |

وظهرت من عيونك .. ليلة..
ل هالدنيا.. لليل والنهار..
كانت السما زرقا داكنه .. ما تغيرت ..
والمباني ساكنه ..الا على الما ..
وفي قلوب الصغار ..
كان الطريق خالي ..
وأحجار الرصيف تكسرت ..
وقلت مساحات الخضار..
وكن الدروب تكورت .. على المساكن ..
مدري من البرد ..اومن قلة الأحباب
لكن .. بقى لون الغبار الداكن ..
وصوت الفراغ في الدروب ..
ظهرت من جفونك ليلة عيونك نثرت..
دمعك.. وقلبي..
ليلة تجرحنا العتاب..
ما اكذب عليك .. كنت مشتاق ليلتها وربي ..
لبيتي .. ولغرفتي .. ولمكتبي مشتاق..
لأقلامي .. والأوراق..
ولقيتها مثل ما كانت .. تحت الغبار ..
حلم وقصيد من شرار..
ومفرش محروق..
وزرع يبس وعروق .. وفجر بلا أبواب
ووسادةٍ ياما ليالي استكثرت..
نومي عليها.. ما تغيرت
رديني لعيونك .. أرجوك رديني ..
مابي أحد .. ما بيني
ابي عيوك بس ..
تكفيني .. تكفيني .. تكفيني ..

| لا من غبتي شمس |

لامن غديتي شمس..وشلون اعذلك
لابد مايظهر مع طلتك نور
ما الومهم لو لدت عيونهم لك
من ناظرك ياربة الحسن معذور
تلطفي وان كحل التيه نجلك
وتواضعي لوبك غدى الحسن مغرور
أغار لو بالزين قد ذكر مثلك
وأغار لو غيري سبقني لك شعور
لاصار لي قلبك..وروحك..ووصلك
لاقافلٍ بابٍ..ولا بانيٍ سور

| الرماد |
الشمس طاحت .. وبردت.. ورمد الشفق .. في حجر الارض
من يشتهي يدوس باقدامه على هالرماد كله ..
يا عابرٍ .. على المدى .. من السراب .. الى الندى ..
قلبي سقط فوق التراب شله..
او لا تدوس القلب خله .. كل يوم له شمس
وانا مالي سوى قلبي
انا .. من بكى لين الثرى بله بالدمع ..
ويوم اكتفى .. صد وعصر ظله .. ومسح بردنه .. وجنته ..
ثم ابتسم لين حسدوه الناس
يازارعٍ شوك الهراس .. فوق الرمل كله .. لاقدام من يكره الشوك
ياحظ من ياطى بقدم .. انا مالي سوى قلبي
الشمس طاحت ونثر الظلام ظله ..
على الجروح .. ياكاتم الزين الفضوح عن عيني
لا تظهر انيابك .. وتقطع احبابك شمات
انا من عطى ضي الشموس خله .. لين حسدوه الناس
ولا تنتظر غير السموس .. لله ..
انا مالي سوى قلبي ..

| لا تعلمني |

ليه أحس إني وأنا اشوفك حزين
قلبي الليله بهمي ممتلي
كانها الفرقى طلبتك حاجتين
لا تعلمني ولا تكذب عليّ
خلني ما بين شكي واليقين
السكوت رضاي عنك وزعلي
باكر اللي خافيٍ لازم يبين
والوعد بتلقى مكانك به خلي
وانتظر لي ليلة او ليلتين
لين ما يقفي السحاب وينجلي
ولا طويت الياس بذرف دمعتين
للهوى الغالي وبوادع هلي
صاحبي بموت من كثر الحنين
خلني بختار لحظة مقتلي

| تناظرين بعيد |

تعبت اناظر فوق ..
واتعلق بشوفي ..
تحتي الثرى مشقوق ..
وهمك على كتوفي ..
ولاتناظرين بعيد ..
وبلادي في عيونك
توي قطعت البيد ..
لرضاك .. وبدونك ..
ماعاد فيني اعروق ..
ودمي على سيوفي ..
لاتمطريني ورد ..
مشقوقه كفوفي ..
مثل الثرى .. والقلب ..
قمح ونخل محروق ..
وجدراني حروفي ..
تعبت اناظر فوق ..
تحتي الثرى مشقوق ..
قمح ونخل محروق ..
ماعاد فيني عروق ..
ماتنزلي لخوفي

بدر بن عبدالمحسن شاعر يستحق ان تقرا قصائده الف شكر لك اخوي وبالتوفيق ان شاء الله...

ابيات رائعه
يعطيك الف عاافيه اخوي
ع الاختيار

لي عوده لاكمال باقي القصائد
لانها تتجاوز الـ 180 قصيده

موضوع رآآآئع ..

شعر بدر بن عبدالمحسن يستحق ان يجمع

قوآآآك الله ..لآآهنت