بسكات يغليني وانا حيل مغليه // لا تيلفون ولا مواعيد غدرى ...!!

ما كنـّي اعرفـه ولا كنـّي ابغيـه
وانا عليه من امّه احـّب واجـرى



ياكثرهـا تسليمـة(ن) يـوم الاقـيـه
لي عين تكتب له وله عين تقـرى



وإن حلّ طاريـه تجاهلـت طاريـه
ماكنّي ادري عنه وانـا بـه ادرى



بسكات يغليني وانـا حيـل مغليـه
لا تيلفـون ولا مواعيـد غــدرى



يصون ودّي عن عذوله واحاميه
وانا عليه احجا من القلب واذرى



حبّ(ن) عفيف(ن) والصراحه سواقيه
في وقتنا ماظنتي زاد يطرى



لا اسولـف بحبـّه ولانـي بكانيـه
وغيري لو انّه يوالفه كـان هـذرى



احشم قريبه حشمـة(ن) لـه واداريـه
واخشا يجي في خاطره شي وادرى



لايحسب انّي يوم قفّيت ناسيه
لعيونه انّي ماتحاليت عذرى



ليت الزمن يرجع وانا اعلمـه ليـه
ولا الحظوظ من المقابيـل تشـرى



كل العذارى في الوفا ماتساويه
كنّه يمين وباقي الغيد يسرى



قولوا له اني مارتضي بالبـدل فيـه
لا مال قارون(ن) ولاعرش كسـرى



يرتاح ماغيره مـلا عيـن هاويـه
غلاه نهر النيـل والقلـب مجـرى



واكبر دليل اني الى غـاب احاتيـه
كم لليلة(ن) ماتت على كـف مسـرى



وان قالوا انه شرق وازريت لا اجيه
وجهت وجهي كل ما نمـت حـدرى

محمد بن فطيس


مما راق لي..

ذائقه اكثر من رائعه..
كل الشكر لك طيف..
لآهنتِ يالغلا..
/

ابيااااات رااااائعه


وانتقاء راااااقي ومميز كالعاده ..... ياسفيره

قصيدة رائعه
يعطيك العافيه
رائعه في اختيارك
وسلمت اناملك
دمتي بود

اتعبهم غروري ..عاشق نصروي ..طبعي الوفاء

شاكره لكم اطلالتكم الرائعه

لاعدمت تواجدكم العطر ..