بسكت وغيضي بالسكوت الحكايا

من بعد ماكان الجفا قاسي شعور'
جيتي وكل جروح قلبي عرايا

حفرت لذكرى وسط صدري قبور
عشان تبقى هالخفايا خفايا

وفي بسمتي ب أخش ماكان مستور
الين ماجاتك دموعي سرايا

في غيبتك ماكن ل العالم صدور
ولابه مكان يضم غير الزوايا

كنت اسمع اللي تذبل ورود وزهور
وبغيابك آمنت بذبــول الحنايا

ماجاك من لفحة نسانيسي قصور
هذي على خبرك عروقي ضمايا

تربعي بين الحنايـــا ومشكور
قصيد جابك من بيـــاض النوايا

مكسور خاطر لو ماهو ب مكسور
دامك ل خطار الهجوس العطايا

ومادام مال الحكي بمشاهدك دور
بسكت وغيضي بالسكوت الحكايا

وتلثـمي لايزعل الصبح والنور
حتى الصبـــاح يغار مثل الصبايا

اليــا نسيت اتذكر عيونك الحور
تلقيني اتخـــيل بروق الثنايـــا

اكيد ما انساك لو مـــرت شهور
ويمكن تنسيني سهـوم المنايا

وأذا نسيتك حي/ابكون معذور
لما تكـذب بالوجيه المرايــــا

يكفي لو ان ذكرك متاهات وعثور
انتي لـ ميلاد السنيـن الهدايـــا

ويكفي لو ان القلب مظلم ومهجور
لمحت ل العمر برجوعك بقايا

وان كان جيتي فاقده قلب وشعور
تنحنــحي باقي جروحي عرايـا

قصيدة رائعه
يعطيك العافيه
رائعه في اختيارك
وسلمت اناملك
دمتي بود

يعطيك العافيه كلمات رائعه أهنيك على جمال طرحك
دمت ودامت نبضات قلبك
تقبل تحياتي سلطان الهاجري

يسلموووو و يعطيك الف عافيه اختي على الكلمات الراقيه
وتقبلي تحياتي ... اخوكـ :/ المايسترو ...

تسلم يمينك على الكلمات الرائعه والانتقاء المميز

كل الشكر لك ولابداعك

ولاتحرمنا من جديدك

دمت بخير

يسلمو يالغــــلا ويعطيك العافيه

لاهنتم ع المرور العطر ...