الحزن اله وتعزف

الحزن : ماهو حزن

...

أو مجرّد ( تسميه )

الحزن : لما تشوف

دمعتينك داخل عيونك

تطوف....

و ماتبلل وجنتيك

الحزن ماهو بإيدي / ياوريدي

أو بيديك..!!

الحزن : آله و تعزف

داخل ضلوعك شتا

تحطب عيونك متى !!

و ينتشر بك شيء قارس

يشبه ( الهجره ) من الشاطئ لمجموعة

نوارس..!!

الحزن : ماهو حزن

لاوربي...

الحزن : لما تكون

تقرأء بعيون أصدقائك

وتدري باللي / يكتمون

قبل لاهمـ / ينطقون

تنطقه لو / إحتضارك

و لما ترمي ( حزنك ) إفـ مرآة دارك

إنت / ماتدري إشتبي ..!!!

الحزن : ما هو حزن

الحزن : ذا .. / ... ( لولبي) !

يعصر أنفاسك بصدرك

يفرغه من هالهوا

الحزن إليا / إلتوا ..!

كنه آخر ( جرّة ) عزوم ( الكمّان ) !!

بآخر ( أوتار ) التّوحد / لا تّوجد

بالبكاء .. / .. ( فنان ) !

( يغرس ) بأوصال روحك

و بجروحك .../ ( كُل شيءٍ فان)

( كُل شيءٍ فان)!!

الحزن : ما هو حزن

الحزن : ../ ( سجّان )

( يشهق ) ألوان الصباح

و كل ( نورٍ) لك مباح

( ويزفر ) العتّمه بعيونك

و لما تشكي ../ أو تحاول مرّه تبكي

الحزن : ذا يخذلك

( و ربي إنه يخذلك ) !!

... ( جوا صوتك )

جوا / نظراتٍ يبعثرها سكوتٍ مثل / موتك

لما تسمع هـ ( السؤال ) !!

( ليه حزنك دايــمٍ مستمكنك ) ؟

حينها ( ودّك ) تسولف / تصرخ إفـ كل إتجاهات المكان

و تنبت ( لسانك ) مآذن / ترفع أحزانك ( أذااان )

!!.... و ما تسولف له عشان

داخلك من يمنعك / يمسك لسانك عليك

و كل ( إيحاء ) بيديك ..!!

ماترك / لحظتها فيك

!( إلا رعشه و دمعتين ) !! ( تبرق بعتّمة عيونك ) !!

كل ( مصابيح ) المكان ..!

( إيه و ربي الحزن : هذا جبااان ) !!

( يملأ ) شباكك ( غرق)

و لما ( ترخي ) ( جفن ) شباكك عليك / ( سيّلك )

لا ( تِكــنّه ) .../ إسحب ( أهدابك ) عليك

( من ذبح لك هالسؤال ) / ( ينتظر هذي الإجابة ) !!

!!( تكفاااا يا جفني دخيلك لا يطق الدمع بابه )

إرمني ) إفـ في كل الزوايا / إرمني لــلا مكان )

!! ( بس في هذا المكان )

تكفا دمعي ماهي الإجابة )

كلماااات جدا رائعه
سلمت اناملك ع هيك طرح
لاعدمناك
ودي لرووحك

روعـــــــــه

انتقائك راااااقي ومميـــــز

لاعدمنا جديدك

طرح رائع
يعطيك العافيه
تسلم اناملك على الطرح الجميل
لك ودي واحترامي