هدية الاربعاء...

هيه ياللي غرك الليل واغراك النديم=هيه ياللي هزك الشوق والمسرى ضياع
وقفي بين الخطا والسراط المستقيم=والعبي بين التراحيب وكفوف الوداع
وسولفي مثل المشاريه في صوت الحشيم=واسكتي مثل الشفايف الا طاح القناع
واضحكي مثل النواوير في روضة خريم=واغرقي مثل المزاجات في غرب الرفاع
وابعدي مثل المتاهات في حلم اليتيم=واقربي بين السوالف وكتفي والذراع
وانظري لي نظرة الشوق للشي القديم=واغرقي بالدمع الازرق مظاليلٍ وساع
واصبري مثل المسافات في صبر الحليم=واسمعي صوت الهوا يوم فليت الشراع
يوم صرتي عود ريحان ورضاي النسيم=اصبري يانجمة الصبح مال الصبح داع
قد طلبت الله وانا بين زمزم والحطيم=شوفت يااغلى ثنية الا صرتي رباع
العيون تجوع لك جوع والله العظيم=والعشا في عيونك السود وعيوني جياع
ان عطيتي مايرد الكريم الا اللئيم=وان بخلتي قلت تكفين والدنيا متاع
اقبلي مثل التباشير في وجه الكريم=وارحلي مثل التعازي على موت الشجاع

مما راق لي...

لطرحك دآئمآ ( متعه ) ..

ولذوقك كل آلأحترآإم وآلتقدير ,,

نتعطش دومآ للمزيد من سيل ذوقك آلجآرف

آلمليء بآلجمآإل ..

فآئق شكري
لاخلاولاعدم

شكرا لك ....
يعطيك العافية

رائعه بروعت ناقلها بس لمن الهديه
ههههههه

ابيات رائعه
يعطيك العافيه
تسلم اناملك على الطرح الجميل
لك ودي واحترامي

اقـبـلـي مـثــل التبـاشـيـر فـــي وجـــه الـكـريــم

وارحلـي مثـل التعـازي علـى مـوت الشجـاع

ابيات رائعه

ولاهي بغريبه عليك معودنا على روعة الطرح..

الله يديم هالابداع ..لاهنت..

شاكر للجميع المرور العطر ولاخلينا من هيييك تواصل
اما بخصوص سؤال اخوي فارس لمين الهديه؟
العنوان اسمه هدية الاربعاء وهي كل اربعاء تنزل هنا وهي للجمييع بدون تخصيص اي واحد عن الثاني اكرر شكري ولاهنتو...

نص رائع
سلمت اناملك ع هيك طرح
ذائقه شعريه رائعه
لاعدمناك
ودي لروحك