ياعيد لا تخدعك ضجة تهانينا

ياعيد لا تخدعك ضجة تهانينا

ياعيـد لا تخدعـك ضجـة تهانيـنـا .. حنّا نهنّـي عشـان النـاس ماتشـره ..!

ان جيـت يـا عيـد صفّقنـا وغنيّنـا
وانْ رحت ياعيد مانحـزن ولا نشـره

ياعيـد: ياجـرح يقتلـنـا ويحييـنـا
اظنيت قلب الفتى حتى انحنـى ظهـره

ياعيد : بحر الفرح ماكان لـه مينـا..
وش فيك ياعيد حديّته علـى صخـرة؟

ياعيد : كان السحـاب يغسّـل ايدينـا
واليوم يـا عيـد مايحمـل ولاقطـرة!

ياعيد : كـان الشتـا يدفـى بأغانينـا
واليوم مايدفي اضلاعه سـوى العبـرة

ياعيـد عشنـا طفولتـنـا بلياليـنـا
طفولة الحـب يـوم الله كتـب عمـره

طفـلٍ وطفـلـه تغازلـنـا امانيـنـا
قلوبنـا بيـض لا تحقـد ولا تـكـره

لا حِسْد لا زيف لا كـذبٍ نبـت فينـا
نقـول :لا,للشتات.ونحفـظ العـشـرة

صغـار واحبـاب والدنـيـا تمنّيـنـا
ومن الجهالـة تمنيّنـا نصيـر اسـرة

طفلٍ وطفلـه وفـي كـم عـام شبيّنـا
وشبّت بنا احلامنا اللي جت على الفطره

وياليتنـا ماكبـرنـا يــوم حبّيـنـا
ياليت من حبّ مـا يستعجلـه عمـره!

حـلّ الفراق-ودعيـنـا الله يدنيـنـا
من بعضنا البعض رغم البعد والهجـرة

رغـم القيـود اللـي ألتفّـت حوالينـا
اللي فرضها علينـا النـاس والقـدره

يـاقــدرة الله والله ماتنـاسـيـنـا
الحـب تـوّه غريـر وليّـنٍ ظفـره!

الله ياعيـد يومـن كنـت تلفينـا....
وقت الطفوله بثـوب العيـد والغتـره

كنت اجمل من الهـدوم اللـي تغطّينـا
واحلى من السكّر اللي يغمـر السفـره

وازكى من النفحة اللـي فـي ايادينـا
واطيب من الطيب والريحان والزهـرة

ياعيـد لـو جيـت لا تنسـى تعزّينـا
في موت حلمٍ محاه الوقت مـن صُغـره

حلـمٍ توفـى وهـو يبكـي وينعيـنـا
بكى نهار النوى حتى انفجـر صـدره!

ولونـا ضحكنـا وجاملـنـا اهاليـنـا
نضحك ونمزح وكـلٍ داخلـه جمـره

ياعيـد لا تخدعـك ضجـة تهانيـنـا
حنّا نهنّـي عشـان النـاس ماتشـره





وإلا الوجع والله ( إِن ) يبطي وهو فينا


،




،



وعيد سعيد لكم .. : )

طرح رائع
يعطيك الف عااافيه يالغلا

المشاركة الأصلية كتبت بواسطة طبعي الوفاء

طرح رائع

يعطيك الف عااافيه يالغلا

ربي يعافيك ويخليك
نورتي الصفحه حبووووبه بمرورك العطر

يعطيك العافيه يالغلآ
ع احلى الطرح
لاخلآ ولآعدم

المشاركة الأصلية كتبت بواسطة هجولة نصر

يعطيك العافيه يالغلآ
ع احلى الطرح
لاخلآ ولآعدم

ربي يعافيك ويخليك
نورتي الصفحه حبووووبه بمرورك العطر

انتقاء راااقي

يعطييك العاافيه يالغلاااا ..وكل عام وانتي بخير

المشاركة الأصلية كتبت بواسطة طيف الذكريات

انتقاء راااقي

يعطييك العاافيه يالغلاااا ..وكل عام وانتي بخير

وانتي بصحة وسلااااااامة
ربي يعافيك ويخليك
نورتي الصفحه حبووووبه بمرورك العطر

صح لسانك وعلا شانك وكل عام وانتي بخير

المشاركة الأصلية كتبت بواسطة فليطح

صح لسانك وعلا شانك وكل عام وانتي بخير

وانت بصحة وسلااااااامة
ربي يعافيك ويخليك
نورت الصفحه حبووووب بمرورك العطر

رووووووووووووووعه

يعطيك العافيه