[ معقـول مآتت هيبة النصر يآنآس ..!! ، " شيلة " ، ]

،*

السلام عليكم
صبآح الخير محبي العآلمي
يخجل اللسآن ويجف القلم لـ تصوير حال النصر
مُجرد فضفضه نصرآوي بعد المسلسل النصراوي المؤلم هذا الموسم ،
والله يخااااااااااااااااااااااااارجنآ

الله ارحم عبدك عبدالرحمن بن سعود واسكنه فسيح جنآته

،*

إمآ غيره !!

تفضلو :-

معقول ماتت هيبة النصر ياناس ..............
.............. صرنا هوى المتردية والنطيحة
يا اعضاء شرفنآ ممكن شويّه احساس ..............
.............. الهرج زايد ، والموارد شحيحه
النصر صار "اضحوكة" الوقت والناس ..............
.............. من عقب ابوخالد عسى الله يبيحه
بعدك يارمز النصر مانعرف الكاس ..............
.............. وبعدك مآ اضنّ إنشمّ للمجد ريحة
وبعدك يارمز النصر مانرفع الراس ..............
.............. طيحة وتقفآهآ ثلاثيــن طيحه
وبعدك ترا مافيه حاجه على ساس ..............
.............. والنحس فينا ما قدرنآ نزيحه
وبعدك لبسنآ العار واتبآعه الباس ..............
.............. وذقنا من اسهوم الزمان الجريحه
صار الخصم قادر على كتم الانفاس ..............
.............. وانفوسنا ماعاد هـي مستريحه
وفى جمآهيره على غير مقياس ..............
.............. وعشانهم شبّت عليّ القريحه
شعبً وفي للعشق والحب نبراس ..............
.............. يعطي على عشقه دروسً صحيحه
لكن عقب اليوم مافيه مجلاس ..............
.............. يافيصل احذر كان تبغى النصيحه
نعم نثق بك لكن الوضع حسّاس ..............
.............. وإن زآد عن حدّه حرقت الشريحه
كرامة الفارس لها اسنين تندآس ..............
.............. فضيحــةً و إتجرّ معهآ فضيحه

،*

الشيله بصوتي
(

اضغط هنا للتحميل

)
http://www.rf3-up.com/nsr//uploads/f...081c6b9f1a.wav

او
( هنآ )

تحيآتي :- .........
نصرآوي عتيبه

شكرا اخوي

بالتوفيق للنصر يا رب

قصيده رووعه تسلم يالغالي عليها وصح لسانك



هاذي مهزلة الكوره ولتاريخ النصر حال الكوره اذا كان فريق ضعيف متهالك ماله تاريخ عظيم مثل النصر
لكن هذا النصر صاحب التاريخ العظيم النصر يبيله عملية استئصال المرض اللي فيه بأيدي الجماهير ليس بأعضاء الشرف
ان لم يتحرك الجمهور سوف ناكل اكثر من كذا

الله الله الله ابدااااااااع ياولييييد

صراحة الشله اليمه جــدا

صح لسسانك مليووون

عاش من سمع هالصوت

لاهنت

صح لسانك ياولد عمي

الله يصبر جمهور الملكي

ان شاء الله الفرج قريب

بالتوفيق للملكي

ماشاءالله تـــبــــارك الله


رووووووووووعه

صوت عذب

كلمات لامست جروحنا
أسبلت دموعنا أوجعت قلبي

؛

قصيده على الجرح .. والصوت روعه
صح لسانك يانصراوي عتيبه
والله يعطيك العافيه
لآهنت

الف الف شكر لك اخي وليد على النص المعبر و الرائع والشيله الاروع ولاهنت ...لاخلا ولاعدم....

لاعدمنتك
وصح لسانك شيلة رائعة بصوت الالم تقطر
الى متى يانصرى الى متى

اخخخخخخخ يالمقاطى ننتظر شيلات الفرح وبدلوة بالاليمة

حزين والله

دموعنا انثرت في ذا النصر

والحال الا الاردى ماودة يتحسن

ولاكن من الصعب نترك ذا النصر

لانة عشيقنا الاول والاخير

كلنا مع النصر فوز خسارة لايهمنا حكي العذاال

وشكر على القصيدة الي فعلا تحكي واقع النصر