ابكي من الفرقى و هي ما بعد جات

بسم الله الرحمن الرحيم

مساكم الله بكل خير


ليه المسا عـوق الشقـاوي وطبّـه؟
وليه الهبوب تصحي القلب لا بـات؟


وليه القمر يدعـي جريـح المحبّـه؟
ويقول له يا هيه..ما فات ..ما مـات



جرحك ظهر لو قلـت للوجـه خبّـه
وللحزن في ضحكك رسوم وعلامات



وليه المطر بالذات ريحـه.. وصبّـه
كنّه رسول بيـن الاحبـاب بالـذات؟



اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات



لا استانس الخافق ذكـر مـن يحبّـه
ورجع يراجع فالوناسـات مـا فـات



يا مرتـع القلـب الحزيـن ومربّـه
يزيين بك مثل الذهب صدر الابيـات



هيهات ينسى القلب شخـص ٍ لعبّـه
وهيات يدله خاطـري منـك هيهـات



سبك مديـح .. ومـدح غيـرك مسبّـه
تقول واذني صوتها تقول لـك هـات



ونبع الغـلا عنـدك وعنـدي مصبّـه
ومن الولا .. في خافقي لك ..ولاياات



وطيفك حطب عيني..وعينـي مشبّـه
والشوق برد ٍ ما انقطع لو للحظـات



ومكانك الصدر ولـك القلـب شبّـه
بين الضلوع اللـي فردهـا التنهـات



ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات



محبتـك فالوقـت ذا مــا تشـبّـه
الا بخيمـة بـدو بيـن العـمـارات



ان شفتني ضايق واهوجـس واسبّـه
اخاف غدر الوقت.. والوقـت دورات



لا تحسب ان دمعي نـزل دون سبّـه
ابكي من الفرقا وهـي مابعـد جـات



الـيـوم كــل امورنا..مستـتـبّـه
وبكره ماندري وش معه من مسـرّات




اربّ قلبـك مـثـل قلـبـي اربّــه
ما يخلفه كثـر العـذل.. والمسافـات

الله يعطيك العافيه
اخوي ع الانقاء الغير مستغرب منك
ابيات ف غايه الروعه
اشكرك

الله الله سلطان النصر
انتقاء مميز
كالعاده لا جديد مبدع متألق
ننتظر جديدك المميز

صح لسانك شاعرنا ومشرفنا سلطان النصر

أبيات جميله وفي قمة الروعه تشكر عليها

المشاركة الأصلية كتبت بواسطة روحي العالمي

الله يعطيك العافيه
اخوي ع الانقاء الغير مستغرب منك
ابيات ف غايه الروعه
اشكرك

حياك الله روحي العالمي
مرورك هنا هو اللي غير مستغرب
ألف شكر عالتابعة و المرور ^_^
أهلاً

المشاركة الأصلية كتبت بواسطة نصرآويه ذوق

الله الله سلطان النصر
انتقاء مميز
كالعاده لا جديد مبدع متألق
ننتظر جديدك المميز

و مرور أجمل و أميز
حياك الله يا ذوق
أتشرف بك داءماً
أهلاً ^_^

المشاركة الأصلية كتبت بواسطة wolfpac

صح لسانك شاعرنا ومشرفنا سلطان النصر

أبيات جميله وفي قمة الروعه تشكر عليها

صح بدنك يا الغالي
ما ننحرم من هالطلة طال عمرك
حياك أهلاً

الف شكر لك اخوي على نقل هذه الشامخه والله لا يهينك...

طرح قمه في الروعه والجمال
سلمت اناملك ويعطيك العافيه يالغلا علي مجهودك
في أنتظار المزيد
والمزيد من عطائك ومواضيعك الرائعه والجميله
ودائما في إبداع مستمر
دمت بخير..