هــديـة الأربعــاء

دورت عذر لضيقتي وانعزالي
واثر الجروح استنقضت من لحدها
نفسي قضت..والله عليه اتكالي
يا رب زدها حلم .. يا رب زدها
أصبرت صبرٍ فاق صدر الشمآلي
وأرقبت من فوق الحرار وهددها
الله يسآمح ضيم سود الليآلي
مآ بين وش كآنت ومآ بين قدها
استفردتبي.. لين قدني لحآلي
وجآبت على نقآض جرحي جهدها
صفيت .. لكن الزمن مآ صفآلي
مآ بين بقعاء.. والسنين وجلدها
كم جا على نظم القصآيد مجآلي
وجحدت بعض جروحنآ من جلدهآ
بعض الجروح تروح .. من غير تآلي
من هونهآ .. والا مناعة جسدها
وبعض الجروح ان جآت من صوب غآلي
أشد .. من فقد الحنون لولدها
والا الصغير .. الي من الهم خالي
أمه قضت .. ووخيته في مهدها
حضن يد أمه طرب..يضحك وسآلي
وأمه توفت .. مآ بعد فك يدها
السين .. وياكبدي .. وياوجد حآلي
اذا التفت .. بين الحضور وفقدها
مآ اقول في الدنيا وش اللي بقآلي
أقول يحل حبآلها .. اللي عقدها
الأيآم لو تعطيك قلبٍ موالي
لا تآمن انها زيد تنقض عهدهآ
جعل الهنوف .. اللي عسرهآ وصآلي
تنزع من ديآر التجآفي وتدها
من عآدها عندي رهينة خيآلي
صدري مرابيها .. وقلبي بلدها
إما ترقب شوفتي .. واتصآلي
والا أتجهد.. واتحرى وعدها
لو أرخصتني عقب مآ كنت غآلي
يكفيني انها وسط قلبي وحدها
وان كآنها بتحب .. شخصٍ بدالي
في ذمتي .. ما احب بنتٍ بعدها
حمدان المري

مششكوور ياخووي جوجل عالطررح
راااق لي
تقبل مرووري ولاتحرمنا ابداعاتكك
وااصل كفيت ووفيت عن اخونا نصصرااوي العصصر
ومبروووووووووووك الف الف مبرووك التخرج ياخوي
اختكك"الاميرة الصغيره"

الله على ذائقكك مبدعنا جوجل تسلم يمينكك ويعطيكك العافيه لاعدمناكك

هدية جميلة واختيار اجمل
يعطيك العافية شاعرنا

فعلا كفيت ووفيت اخوي د. جوجل والف شكر لك على النص الرائع ولاهنت... في انتظار هدية الاربعاء القادم من احد الاعضاء المميزين والمميزات والله يجعلنا وياكم من الحيين الفرحين ...

هدية الاربعاء الجاايه مني شراايككم؟؟

طرح جميل جدا اشكرك ياخوي ع الابيات
يعطيك العافيه راق لي

الف شكر على مروركم الاكثر من رائع
تحياتي وتقديري للجميع

هديه رائعه
يعطيك الف عاافيه ع الاختيار المميز
لاخلا ولاعدم

الله يعافيك طبعي الوفا
التميز يكتمل بمرورك ومشاركتك
تحياتي لك