يانفس بعض الناس ماتعطي الراي

أكتم بصدري كل همي وبلــــــــواي

. . . . واصبر على مــاصابني من بــــــــــــلاوي

وادنى الدواني مازهمته لشكـــــــواي

. . . . وان زاد همي رحت وحــدي خـــــــــلاوي

وأحذّر ان تنطق به اشفاي لعــــــداي

. . . . وان قمت مايدرون انا وين نــــــــــــــاوي

حيث الشكاوي مابها فكّ شكّــــــــاي

. . . . ومافكّت المحكوم كثر الشكــــــــــــــــــاوي

ونا اشتكي لله ربي ومـــــــــــــولاي

. . . . حلاّل لأعقد الليالي وقـــــــــــــــــــــــاوي

مجيب للداعي وعالم بدعــــــــــواي

. . . . بأمره يقوم الحظ لوكان ثــــــــــــــــــاوي

ويانفس بعض الناس ماتعطي الراي

. . . . ان كان وقفتهم بجنبي هقـــــــــــــــــــاوي

اصغي لقافي وافهمي كيف معنـــاي

. . . . معنى مجرّب مسّ حرّ المكـــــــــــــــاوي

ولوكنت ابي اشرح ماحدث لي بمسراي

. . . . يطــول ويملّـل مـن البــعـــــــــــــد راوي

لاشك يانفسي قليله هو الـــــــــــراي

. . . . ابي اختصر من قصتي والخطـــــــاوي

ونا من الدنيا بلاشك مشـــــــــــــاي

. . . . اليوم وإلا الغد مابه مـــــــــــــــــــراوي

أوصيك بالخمسه قبل قُرب مثـــواي

. . . . تماكنيهن وامسكي بالعـــــــــــــــــراوي

دفاع عني في مماتي ومحيـــــــــاي

. . . . ان صنتهن لله مارحت غـــــــــــــــاوي

من نار قبري خايفٍ تلحق أعضـاي

. . . . وان كان طالت ماتفيد الرجــــــــــــاوي

والثانيه لو الدهر مال بخطــــــــاي

. . . . مافيه داعي للحزن والنخـــــــــــــــاوي

تصبّري لو صعّب الوقت مرقـــاي

. . . . تصبري لو صــار دربي مـــــــــــلاوي

لو الزمن ماكف عن عثرت أخطاي

. . . . لاتجزعــين وتفقــدين الحــــــــــــراوي

لوكان فعل الوقت اشبه بكـــــوّاي

. . . . لاتشتكينه تعرفينه نحــــــــــــــــــــاوي

والثالثه تكميلة امنـاي وارضــاي

. . . . قناعتك بالشيء دون الدعـــــــــــــــاوي

من سعيك ارضي لو حصل كاسة الشاي

. . لاتسخطــــــين وتسقطي بالمهــــــــــــاوي

شعر/فضي الهدباني

مشكوووووووووووووووووووووووووووووووووووووووووره

الله الله

صح لسااانك وسلمت يدينك ..

اشكركم للتواجد يسعدكم يارب

ابيات شعر في قمة الروعه وحسن التصوير مشكوره اختي علي هالنقل البديع دمتي بخير

اشكرك للمرور يعافيك يارب ولاهنت

ابيات رائعه
يعطيك العافيه ع الاختيار
لاهنتي

شكرا للتواجد الجميل يعافيكم يارب