طارق النوفل - المدير الإعلامي لنادي الشباب

بسم الله والصلاة والسلام على خير خلق الله محمد ابن عبدالله

غمز و لمز

النوفل يقول قبل ادخل المباراة : هاذي اول مبارة في حياتي ادخل الملعب وانا ضامن الفوز لاننا حفظناهم زين ودرسناهم في اقل من اسبوع وهم خليناهم قرابة عشرين يوم يدرسونا.....شكرا كارينو!!

والشكر موصول لإلتون ولا يهون روبينهو الجيزاوي ولا ننسى مستر عيد اللي مسخره ابن الشام اما الغامدي ماودي ازعجه بخليه يحسب كم بيطلع له راتب شهريا مع العقد الجديد ..

يحي الشهري

يحي الشهري ذكرني بإلتون الفتح لاعب النصر السابق إلا الله يسقي ايام إلتون فاولات وركنيات زي الناس, اسالكم بالله شوفوا الركنيات اللي يلعبها يحي واللي لعبها مباراة الشباب خاصة تقول بس يشوت بقوة عشان يوصلها منطقة الجزاء رفعات مدري وش تبي وفوق كذا مستحيل هالرفعات يجي منها هدف لان الكورة تجي فوق وضعيفة إضافة إنها بعيدة عن خط الستة نرجع لإلتون تذكرون يوم تقولون إلتون يقتل الهجمة وياخذ الكورة ويروح عرض الملعب مايروح بإتجاه الباب اقسم بالله يا يحي بس يستلم كورة مال يسار الى الطرف الثاني او نص الملعب ورد الكورة ورا طبعا مو كل كورة يسوي كذا بس هاذي حركتة الطاغية وبالذات مباراة الشباب الاخيرة ..يا كابتن لا تعطينا شعور انك أخذت أكبر من حجمك!

*** كرة القدم جزئيات وضربة الزاوية إحدى هالجزئيات ولكنها جزئية نادرة الإستفادة في نادي النصر إن لم تكن معدومة..

لو

الله يسامحهم لو بس قدموا مستوي قسم بالله اقول عادي وماقصروا عموما الله يسامحهم ولا ننسي انهم جابو ولي العهد ومتصدرين بست نقاط والله يستر عليها هالست نقاط خوفي.. وإلا بلاش الله يوفقهم ويكملوا المشوار ونجيب الدوري .

غبنة خاصة

تدرون وش غابني وقاهرني اني توقعت النصر يكون طرف في النهائي.. والأجمل النهائي بيكون في إستاد الملك عبدالله بجدة وبالصدفه هالاسبوع كنت متواجد بجدة وشاهدت الملعب ومنيت النفس بحضور النهائي لكن لعل في الأمر خيرة.

نقطة اخر السطر:

وش سالفة ابن عبدالغني شكله اشتاق للإعلام ! عاد حسين مسموح يسوي اللي يبي هو اللاعب الأوحد هالسنة يستحق الثناء والشكر لذلك لا بأس من بعض الحركات الصبيانية ! ما ودنا نكبته وربي حرام.. إذاما حدث صحيح عادي جدا على قلب كل نصراوي ((وسعودي وخليجي وعربي مدري بس بقول و عالمي بعد)) هذا حسين وخابرينة بس المصيبة الأعظم إذا فعلا الحادثة موثقة!, عندها سلملي على الست نقاط , من جد المصائب لا تأتي أبدأ فرادا..

خاتمة

شايع شراحيلي .. وفي الليلة الظلماء يفتقد البدر!

صلوا على النبي

والله جمهور النصر طماعين

بطل كاس ولي العهد

ومتصدر الدوري بفارق 6 مقاط

اتفق معك بخصوص الغامدي



قدر الله وما شاء فعل

هذا شي مكتوب

والله ياغالي نصر 44 ماني بطماع وكثر الله خيرهم بطولة والثانية قاب قوسين وأدني مضمونة إلا إذا أراد الله سبحانه أمرا كان مجهولا

بس مستوى يالغالي صفر حتي الهدف المفروض يحمسهم زيادة بس الفوقية من مباراة الشباب تفشت في جل اللاعبين.

بس تذكر مباراة النصر والشباب الدور الأول ويوم فرق الشباب بهدفين واقسم بالله وقتها كان عندي شعور الفوز باقي ولا استسلمت اقلها كان تعادل بس لو نص روح هاذيك المباراة حظر كان صار شي ثاني.. نرجع ونقول قدر الله وما شاء فعل والحمدلله على كل حال.

شكرا لمرورك.

بالتوفيق للنصر ان شاء الله النصر يردها لهم 4 في الدوري
مشكور خيووو يعطيك العافيه

ي الله اللي فات مات
والقادم هوا الاهم
الله يوفقك يالعالمي
ودي وشكري

وش سالفة ابن عبدالغني شكله اشتاق للإعلام ! عاد حسين مسموح يسوي اللي يبي هو اللاعب الأوحد هالسنة يستحق الثناء والشكر

حسين لما يتنرفز اعرف بان الفريق مهزوم وكل لآعبين لم يكونو فى الفورما الفريق كان اداءه سيئ من الحارس لين اخر لاعب هو السهلاوي البارد فى الملعب
فترة التوقف ان شاء الله يستفيدون منها لتصحيح اخطائهم .
الحمد الله على كل حال القادم أفضل بآذن الله ومعوضين فى بطولة الدوري
يعطيك العافية

الله يستر لايطير الدوري والسب هو الفررريق

بصرااااحه لعب الفررريق في الاخير صاار يخوف