شوية عقلانيه تستقبلونه امس وتبونه يروح اليوم ,, حاسبو اللعيبه , الاتحاد 6 الهلال 8,و4

السلام عليكم ورحمة الله وبركاته



الحمدلله ع كل شي والشكر لله وثنائه

بمباارتنا الاول انكشف المستور واتضحت الامور

تخيلو معي امس معسكر اسبانيا ايام شريفي والحلوي وجهوي وال.... الله يذكرهم بالخير

جينا وصلنا الرياض وش ماسوينا بالمطار استقبال مايستقبله الا الكبار من الجمهور

والنتيجه 4/1 من الفيصلي

سووت بلبله وصجه ولجه واقالات واستقالات وتنسق كثير من اللاعبين

لماذا؟

مباريات وديه أي كلام فرق طباخين واهل الحي وماني عارف لن انساها تلك الايام

لعبنا مناورات وليس مباريات في ايامنا هذه
لاحظوو معي مسماها مناورات مناورات ونفوز بالـ 11 والـ 10
والكل يعتقدها مباريات


بداية العلاج الخساره من اليوفي الوعد نهاية الموسم

ما اعجب جمهورك يانصر تستقبلون زينجااا امس وتبونه يروح اليوم
ياعالم زينجا يمشي بالطريق الصحيح بدا باليوفي يحكم ع مستوى اللعيبه

تخيلو الشوط الثاني اليوفي متقدم ويلعب بنصف ملعبنا لماذا أسألو اللاعبين
زينجا يريد يخلق تجانس ويظهر العيوب ومن يصلح ببعض الخانات ومن مايصلح

تتعجبون اليوم عبده برناوي نجم اللقاء رغم الخساره والقرني احتياط رغم ان القرني الاساسي العام الماضي هو نجم الدفاع

المدافع الاسترالي ما اظهر اي مستوى جيد وحتى الاجانب كلهم ماعدا بيتري اتضحت عليه لمسات ممتازه رغم تواضعه بالتغطيه الدفاعيه


ابي اليوفي يضربني بالخمسه وسينيا من ضمن المباريات القادمه بالسته ولاتسيو بالسبعه


اجي الدوري وانا عارف مشاكلي وحالها


انا سبق وقلت زينجا يلعب دفاعي وليس هجومي والقادم احلى اذكركم نهاية الموسم


شوية عقلانيه نخسر خمسه نخسر خمسه في مباراة وديه ولا رسميه جاوبوني زين حقل تجارب الاستفاده من الاخطاء

زينجا مايرحم ستجدون استبعاد بعض اللعيبه بالمباريات القادمه

اولهم المبارك انا استغرب بعض الجمهور شان حمله ياناس الاوربي مايرحم الاوربي ماعنده لف ولا دوران ولا تدخلات بالتشكيله

الكل اليوم حاط تشكيله بمزاجه واستغرب توليفة زينجا وتغييراته لماذا وحتى القحطاني اللي نقول انه اساسي احتياط

لان المدرب حاليا يضع اختبارات


انتم حاسبووو العييبه طالبوهم بالمزيد من المستويات لاجل يختارهم في ذهنه المدرب

فو الله لا استغرب المبارك اساسي والجمهور يبكي ويقول اذهب يالمبارك

المبارك مجتهد بالتدريبات ومجتهد بالحضور والانصراف طالبو اللعيبه بعقلانيه وهدوء ومحبه ونصح وليس بتجريح ببذل المزيد من الجهد بالتدريبات

انا اعرف المبارك اسوأ لاعب بالمباراة وافضل لاعب بالتدريبات

بس اللاعبين جميعا لو يبذلون مزيدا من المجهودات سنظهر وجه جديد للنصر

طالبوهم بالمزيد

تونا ببداية المشوار وبداية ادوري هي الفيصل تذكروا كلامي

الحمدلله والخساره من اليوفي هي لقاح وعلاج للنصر
من تواضع بعض اللعيبه بدون ذكر اسماء

حتى احد الاجانب استغربت بروده داخل الملعب كانه ضيف شرف ورجله ثقيله ع الكوره
مع اني اعرف ان لديه المزيد بس هو لايريد ما ادري وش الاسباب

وهذا سيجعل زينجا ان ما اثبت وجوده سيطالب بريحيله قبل بداية الدوري

اليوم لعب سناتر برناوي و الاسترالي

المباراة القادمه هل ممكن نشوف القرني والاسترالي ونتخلص من عيوب العرضيات اللي ملينا منها الموسم اللي راح

ونشوف برناوي ظهير ويقفل اجهه ايسرى

ونرى مجهود من عباس في الدفاع وباصات زي الناس وعدم النرفزه الغير مبرره في مباراة وديه مع انك نجم واحبك بس ليه هالاشياء تطلع منك

ونرى بتري لياقيا جميل وليس بطيئ يلحق الكره

ونرى رازفان لياقيا رائع ويتحرك كثيرا استغربت بطءه بعد

ويترك سعد مهاراته ويخترق ويوجه ويتحرك يمين ويسار

ويبذل المزيد من الجهد القحطاني بالجهه اليسرى ويباص كرات صح يصنع اكثر من كره

ويقوي السهلاوي رجله ويخف جسمه بركضه ماهذا البرود يالصعباو تحسسني انك تلعب مع نجران تراه اليوفي شف قامة الدفاع وشف قامتك

بذل مجهود من بعض الاحتياطيين مثل الحضرمي يسار وحمود يمين وعبدالمحسن عسيري محور ومحمد عيد سنتر وهزازي والجيزاني

يجعل اللاعبين يضهرون المزيد من الجهد



.................................................. ..............

ع فكره بعطيكم معلومه

في سنه من السنوات الاتحاد خسر من اسي ميلان بالسته وبنجومه نور وكريري وزايد كلهم موجودين

وابدع بالاسيويه ان ماخاب ضني او اندية العالم ظهر بمستوى مميز

حتى حمزه سجل هدف شرفي واصبح سجل هدفين بالميلان

.................................................. ...............

الهلال خسر من فريق انجليزي بالثمانيه وارجعو للتاريخ وبتشوفون

لانروح بعيد قبل العام بـ 4/0 ممن الومبياكس اليوناني

ايام كوزمين في مباراة وديه دوليه
وكوزمين جا وجاب هلال لايقهر وينافس

.................................................. ................


الهدوء وشوية عقلانيه تمنيت ماتنقل المباراة لاجل ما اشوف ناس تخربها وتونا ماسمينا وتونا مابدينا

زينجا ابخص بالفريق زينجا ادرى بالفريق وهو القريب

وخسارتنا اليوم ليست نهاية المطاف

بإذن لله سترون نصر اخر الموسم القادم لنا عودة




استغفر الله واتوب اليه

واسف للإطاله
وهذا الكلام وجهة نظر خاصه لي

لاتعليق بعد الموضوع الرائع

وخسارتنا اليوم ليست نهاية المطاف

بإذن لله سترون نصر اخر الموسم القادم لنا عودة

ان شاءالله
يعطيك العافيه اخوي على طرحك الرائع
لاهنت

يعطيك العافيه سعد على الطرح الراائع وبكل تااكيد ليست نهاايه المطااف مبااره اولى وديه صحيح لم يكن هنااك مستوااء وكان المستوااء سئ ولكن مثل هذه المبارياات في المعسكر لاتهم النتيجه الاهم هو معالجه الاخطااء التي وقعوا فيهاا الاعبين وتصحيهاافي المبارياات والقائات القادمه وهي اوول مباراه وديه تحت اشراف المدرب زينقا واول مباراه للاعبيين الاجاانب والمحليين لابدلهم من الوقت لي يتاقلموا مع بعض وبالتوفيق للعالمي في المباريات القادمه

يعطيك العافيه اخوي سعدعلى

خلاصة الكلام
بداية العلاج الخساره من اليوفي الوعد نهاية الموسم
بارك الله فيك أخوووي سعد ماقصرت

دائم من يخسر بالوديات يبدع بالحقيقه واسألوا عن منتخبات وانديه!!!

بإذن الله نصرنا سيعود فارسا متسيدا للميدان**

مشكور أخوي ع طرحك الرائع تسلم"

الحكم بدري عليه
يعطيك العافيه