حزن

البارحه في تالي الليل محتار = مدري وش آخذ من علوم ٍ واخلـّـي




من كثر همي دمعتي كنها انهار = باسباب فقد امي دموعي تهلــّـي




تزوج الوالد وهو مكرم الجار = زوجه جديده قلت ذا منوة ٍ لـــي




لكن علينا ياعرب ضاقت الدار = قامت تعاملنا بحقد ٍ وغلــّي




تعذيبها ياربعنا سرّ وجهار = اعجزت ابا وصّف عذاب ٍحصل لي




باسبابها يااصحابنا ذقنا الامرار = الهم ّ لازمني كما وصف ظلـّـي




ياخالتي خافي ترا فيه قهـّار = يجازي اللي في حياته يزلـّـي




ياخالتي وش ذنبنا توّنا صغار = وشلون تعذيبك علينا يحلـّي




الظلم شين ٍماتسويه الابرار = راعيه ضايع بــيــّـن ٍ مايدلــّـي




ضربك بعد لاختي تسبب بالاقدار = من جلسة ٍ بالبيت صارت تملـّي




جتني تصيح ودمعها مثل الامطار = تشكي تحسب ان الزمن صافي ٍ لي




مافي يدي حيله ياليت الزمن دار = بس اصبري والله لهمـّـك يجلـّي




ياخالتي قافيك قصـّاف الاعمار = وحساب عادل عن صغير ٍ وجلي




ياليت والدنا عرف كيف يختار = ان كان نجمه صار فوق متعلي




اخذت لي مع نظم الاشعار مشوار = لعلـّه لقلب حزين ٍ يسلــّي




شرحت بعض الي حصل لي بالاشعار = من فضل ربي جعله اليوم حلي

جمييييييل هو انتقآآآءك

يسلموو اناملك ي ع القصيدة الاكثر من رائعة

وربي لا يحرمنا روعة جديدك

فلا خلااا ولا عدم

مشكوووووور والله يعطيك الف عافيه

عربجيه يعطيك ربي الف الف عافيه مشكوره

فأأأرس الذهبي مشكور يا الغالى بمرورك

ابيـــــات اكثر من رائعه

سلمت على الانتقاء المميز

لاعدمنا جمال طرحك ..كل الشكر لك

لاهنت
واصل دون فواصل

طيف الذكريأأت يعطيك ربي الف الف عافيه بتواجدك وتواصلك معي
تقبل تحياتي سلطان الهاجري

يعطيك ربي الف عافيه يا الطير بتواجدك

يعطيك العافيه