في خاطره كلمةً..للحين ما قالها

دمعه تكابر على المحجر وعيّت تسيـل
تخاف تنزل وينزل قـدر مـن شالهـا

والعين لو عانت الأحزان يـوم الرحيـل
تبقـى أبيّـه عـن الدمعـه ومنزالهـا

ضميتها في جفوني غصب وأنـا عليـل
مابـي خـدودي تعـوّد كثـر همّالهـا

رفعتها .. لكنها طاحت / وضجّ العويـل
بين الحنايا .. وروحي طـال زلزالهـا

سالت وصاح الأمل فيني .. كأنه دخيـل
في وجه الأيام .. وأحزاني على حالهـا

الليله الليـل متأنـق ورمشـه كحيـل
أثر الليالي تخفّـي شـي فـي شالهـا؟

شفت القمر مستحي مني وصمته طويل
في خاطره كلمـة ٍ للحيـن مـا قالهـا

ذكراه تضغط على أفراحي .. وحظي قليل
وأحلام الأنسان تيّـار الزمـن شالهـا

وأنا عشقت الحزن مغرم ولا فيّ حيـل
غير أبتسم للهمـوم السـود وأهوالهـا

نعم .. تحيزمت للفرقا وصبري صقيـل
أطعن به جمـوع هـم ٍ حـام خيّالهـا

وكان المشاعر تعنيني على المستحيـل
يا دمعتـي طيّحتـك .. عـزّه لهمّالهـا

أبحجب الحب عن قلبي وأعيش الرحيـل
أبترك جميع المشاعر تقعـد أشوالهـا

مما راق لي

صح لسانك ويعطيك العافيه لاهنت

ابيات رائعه
يعطيك العافيه
رائع في اختيارك
لاخلاولاعدم

في خاطري أني اشكرك علا ابداعك الف ششكر لك

نص وابياات رااائعه
وكالعاااده مبدع بطرحك وذووقك
وتسلم يمنااك على هالنقله والاختيار وعوافي على رووحك
والف شكر لحضورك الذوووق...

مشكوووووور والله يعطيك الف عافيه