جبل بونشاك الفتاك . سفرتي لاندونسيا . قبل اسابيع .

منظرخياااااااااااااااال
والله ماشاءالله على الرحله روعه
وان اءالله اناوبنات المنتدى نروح زياره لها هههههههه305):
وانتظرتقريرك الجاي
ونحن متابعين لك وتعليقك الاجمل
الله يوفقك ويسعدك اخوي

^^^^^^^^^
ههههههه

وشرايك مشينا يلا :biggrin:

بس انت المصورهـ :biggrin:


ان شاء الله عقبال ماتسافرين وتحطين لنا تقرير كامل ونقارن عاد مين افضل سفرهـ كورهـ بالقائم والا انتي :biggrin:
هههههه
......
كمل يلا بمناسبه فوز المنتخب الكحلي :biggrin:

: عُدنـا بعد التفكير
اليـوم الاربعاء .. مثل العاده صحيت .. بدري والأمور مـ اختلفت قهوه وشاهي وفطور .. وانزل
اجيب اغراض وحاجات بسطيه من السوبر ماركت القريبه .. وبعض الفواكه ان لزم
الأمر مثل الفراوله او العنب او تنويع من الشوكلا اللذيذه ولا مانع
من الأناناس ابدا ابدا ..

بعد مارجعت
للفيلا . وتقهويت وفتحت المزاج .. قررت اروح لسكابومي ..
لكن امس واليوم برضو . نسيت شي مهم جدا .. الا وهو شحن الكام . لهذا سوف ارحل الى
سكـابمومي بلا صور ولا تصوير ...

انقهرت صراحه لأن سكابومي
هي مدينه تبعد عن الجبل 3 ساعات الا شوي .. ومدينه لأول مره اروح لها ..
يعني مثل ماتقولون رايح كذا ان طلعت حلوه .. الحمدلله ماطلعت
ماضر شي , حتى ماروح لها مره ثانيه ..

وش جاب هالمدينه على بالي وليش ابي اروح
كنت في احد الاسواق .. قبل مادخل الجبل . فجاني واحد عنزي سلم وكذا .. سوالف شوي ..
بعدين قالي عن سكابومي .. ان فيه نهر وتطلع تجديف بالقارب .. قلت انا ان شاءالله
اروح ومكان عندي النيـه .. بس يوم فكرت بالتجديف قلت يارجال
يمكن تطلع ممتعه .. ليه ماتجرب .. نجرب نجرب ..


وصلت سكابومي
هي مدينه .. وفيها بحر .. وشاطئ جميييل جدا .. وفيها نهر كبير اللي هو حق التجديف ..
لكن البحر بجهه والنهر طبعا بجهه شي معروف بس البحر بعيد شوي عن النهر ..
الطريق لسكابومي , بين مزارع وممتع جدا جدا المزارع فيها نخل .. مثل عندنا
بس تطلع طلع غريب يقول لي زيت هو ..


الأجمل بسكابومي
انها تحت الجبل .. يعني بحر تحت جبل اخضر .. صراحه وانت تنزل من هالجبل وتشوف البحر
منظر وش اقول عنه ماتوقعت اني بشوف مثله .. واللي
حلاّه اكثر ان الامطار ماتوقف .. من دخلت ..

سكابومي
مدينه بحريه .. يعني حاره ورطوبه .. لكن وقت روحتي في شهر
11 وشهر 11 يعتبر شهر الامطار على اندونسيا كلها , فتكون المدينه حاره بشهر 1 و 2 و 3 مع دوره الايام مثلنا يعني ... فعلشان كذا حظي حلو
وصادفت امطار وجو رااائع في هالمدينه الرائعه .. وتعرفون الجو له دور كبير جدا
يعني لو انا جيت لها بالحر ممكن ماتعجبني
بس لانها امطار فاعجبتني .


مابي اطول
اكثر .. قلت لكم ناسي الكام ..
اول ماوصلت سكابومي اتجهت الى النهر المخصص للتجديف ..
بوابه كبيره .. تدخل .. بعدين بوابه صغيره تدفع
لازم تدفع مليون روبيه يعني مايعادل
500 ريال سعودي هذا سعر
الدخول للتجديف مع وجبه غداء ( هم قالو غداء ) وسواء تدخل 1 ولا 5 لازم
تدفع هالمليون ذا ..
فانا وش قلت ياولد قهر .. ناديت السواق قلت ادخل معي اجل ..
ورحت حطيت الاغراض بصندوق الامانات هم يعطونك مفتاح
اول ماتدفع .. لهم .. وووقعت على اوراق
( موتي ) اقصد لو قدر الله
وجاني شي ماهم مسؤولين .مثل اي لعبه خطره ..


درعمت باتجاه النهر
اخذت الخوذه , ووطوق النجاه اللي يقولون عنه
وطلعت ركبت سياره هم مخصصينها حتى تطلع فينا لآخر الجبل .. بعدين نركب القارب
حق التجديف , ويقولنا التعلميات
القبطان حق القارب ويقول متى نوقف ومتى نجدف , ولاقلت كذا سوو كذا
ولا هجم تمساح لاحد يتحرك .. وانا اقول اي اي ماركزت بس ابيه يخلص
متحمس بعدين تذكرت انه قال تمسااااااااااااح
وصرخت بفهاوه تمساااااح
وش تمساحه ؟ قال في تماسيح . قلت قول قسم .. قال والله
قلت وليه تهجم طيب ؟ قال احتمال وانا اقولك كل شي
قلت متى اخر مره هجمت ؟ قال قبل من سنين
قلت توكل ع الله يافتى


توكلنا ع الله
انا كنت متحمس صراحه يعني لو قالي يبي يطلع لك
شياطين الارض كلها برووح برووح .مده المشي ساعه تقريبا 1 كيلو ..

طبعا مثل ماقلتكم للأسف الكام ماهي معي ..
لاني خليتها تشحن .. وفات علي كل شي .. بكل امانه من نهر وبحر وطريق ومزارع وكل
شي فاتت علي ..


خلصت من النهر والتجديف بسلامه
ورحت بدخل اتغدى بـالبوفيه المفتوح اللي يقولو عنه .. اخذت لفه سريعه ع البوفيه
قلت ليته ( قالو بوفيه مغلق ) استغفر الله
شي يسد النفس . ولا فكرت آكل .. درعمت للسياره وجايب معي ويفر وشوكلا
وحقات الامور ذي واكلت فيها .. وانا جالس ع الطاوله
انتظر السايق يخلص اكله ..

فيه شاشه كبيره وعريضه
واشوف فيها زول خشتي .. قلت ياولد معقول .. لا وش يجيب خشتك في الشاشه .. الا يابن الحلال خشتك ذي شف حتى لسانك احمر لونه ^_^
.. بس معقول انا مشهور وانا مدري فقمت
رحت لها بسرعه .. حصلت جنبها بنت .. قلت ليش تعرضون صوري ماسمحت لكم
اوكي معجبين فيني بس ماتوصل انكم تعرضونها قالت هذولي للبيع
تبي تشتريهم احطهم بسيدي احطهم
اطلقت الابتسامه بخجل قلت جيبهم اجل واخذتهم بسيدي وجابها الله
طبعا مرحله التجديف فقط ..



طبعا واضح الجمال فيها ..
والمغامره العاديه ^_^




صراحه شي حلووووووووو قدا قدا قدا





حتى هم آخذن اللقطات اللي تجبرك انك تاخذها ..
ماخلو شي يبون فلوس باللي هي فيه ..





ربنا ستر .. ولا كنت رايح بوسط النهر ..
بس في الاخير مسكت حصاه ومدري شلون مع الحبل ورجعت
بوسط هالقارب ..






هو يقول جدف يسار .. وانا اجدف يمين ..
بعدين يقول ستوب .. وانا اجدف .. واذا قال جدفو
وقفت .. لاني اقول ( بنفسي ماعاد بقي الا اندونيسي يمشيني ع كيفه ) :smile:





انتهت الصور
للأسف .. بعد هالرحله رحت للبحر .. وكان امطار
وامواج شديده .. فدخلت للبحر .. وسبحت .. وتشقلبت بوسط الامواج
ولا شفت زلاجه امواج مع بزر .. قلت بجرب .. قال لا
قلت بعطيك 10 ألف . قال تعرف قلت افا عليك
وانا والله ماقد جربتها .. والسواق معي
يقولي لاتوهق .. قلت يابن الحلال عندنا مثلها وعندنا بحر
يومياً اتشقلب فيها .. قال بس هالموج قوي .. قلت يابن الحلال معي
شهاده متخصص فيها واسوي عروض .. قال كيفك .. توكل

طبعا البزر
كنت اشوفه يجي مسرع ويدعس بوسط الموج
جيت سويت مثله .. ماهي الا دقائق معدوده .. والزلاجه بجهه ..
وانا بجهه .. وخشتي كلها تراب .. وفمي امتلأ ماء
واكح .. وطلعت شارب نص بحر سكابومي
لكن الحمدلله ماغرقت كان الموج
لاجاء اقسم بالله من قوته يضربني وانقز من مكاني تقريبا متر ..
طلعت بعدها .. قلت يازين المشييه بس اثر اللعب شين وصدق من قال
( البحر مالو صاحب ) :tongue:

قبل اخلص
قلت لكم عن هجوم التماسيح قالي انه يمكن يهجم
الا وربي شفته بعيني منسدح هالتمساح فوق حصاه وتمساح
مهول .. الاندونيسي يشوفه يقول تمساح تمساح قلت قل قسم ركز يمكنه بعير
ندري انه تمساح لكن ابعد عنه الله لايبارك فيك وفرحان مره
بالتمساح لدرجه اني احسبه تمساح من كبر خشته
لانه ( فاتحها من الفرحه )


اقول في الاخير

مقبله تمشي ويتبعها الفضول !!

متحمس بعدين فكرت تمسااااااااااااح
وصرخت بفهاوه تمساااااح
وش تمساحه ؟ قال في تماسيح . قلت قول قسم .. قال والله
ههههههههههههه ربي يسعدك خيومغامراات حللللللوه
صراحه انصدمت وانت تقول نسيت شاحن الكام وقاعده اقول الله يصلحه لازم
يخرب عليناواحنا بشوق لرحلاته,,
وربي روووعه,,والحمدلله على السلامه "طبعآبمناسبه النجاه من التمساح"
متابعه,,
لك ودي....

أهم شي " الله يسمت " ههههههههههههههه عليك طلعات هههههههه
توي خلصت >>الرواية<< يحليلي جيت ع الآخر ماشاء الله حلو والصور بعد خيااال
ماشاء الله عليهم الله يهنيهم ويرزقنا مثلهم ...

هههههههههه والله انك مغامردرجه اولى ماشاءالله عليك بس جد شكله ونااااسه مررره ان شاءالله رايحين لهاصدق انا والبنات احم بس جد والله ونااااسه

الغـاليه طبعي الوفاء ..
اييييه يمـديكم تروحون .. انتي والبنات .. حتى شركات الطيران
مخفضه اسعـار التذاكر .. يعني فرصه

الله يخليك .. تواجدك
دوما يسعدني يالغاليــه .. الله لايهينك ...




اهلا بالغاليه لينا :
اي انا اقولكم .. الحين فرصه لكم تروحون .. حتى تزيد الفلوس معكم
هناك ولا تروح للتذاكر ^_* وبالعكس يوم فاز المنتخب
الكحلي جاني احباط ورحت انام

الله لايهينك يالغاليه
ع التواجد .. اتشرف فيك دائما وابدا ..





الرائعه لولي :
الله يخليك يارب على هالمتابعه والردود اللي تعطيني حماس اكثر
اي والله حتى انـا .. والله مقهور ليش اني نسيت اشحن الكام .. لكن الحمدلله جاب الله
لي هالصـور .. بس بعدها صرت قبل انام يومياً اشبك الشاحن ضروري ..
الله يسلمك يالغاليه لا ابدا ماجانا التمساح ولا قرب حتى
كان بعيد يراقبنا وشكله يقول ( ياويلي )
بس ع هالشحييييم ^_*

دائما انتظر تواجدك
يالغاليه .. اتشررررف كثير بمتابعتك ..
شكرا من القلب ,



اهلا بالغاليه رذاذ :
تشرفت بتواجدك الله .. واهلا فيك للمره الأولى وان شاءالله انه اعجبتك ..
ويزيدني شرف تواجدك ومتـابعتك يالغاليه ... ههههههههه
حتى انا مدري كيف طلعت الله يسمت

امين .. الف شكر لتواجدك
يالغاليــــه !!




المبدعه بنت النصر :
والله يالغاليه غصباً عنك تغامري .. لان الدعوه مافيها .. تشوفي الاشياء بعيونك
مافي مجال للرفض والتفكير حتى لازم تجربي كل شي وبلا خوف بعد .
اما الوناسه .. هذا شي ثاني طبعا وناسه ومليون وناسه ..
اي ضروري تروحون انتي والبنات .. كان
الوقت كله يروح وانتم جالسين
تسولفون

الله لايهينك يالغاليه ع التواجد
وتواجدك دائما يسعدني ,

تسلم خيوولوموضوع حللو ومميزلازم نتابعه اول باول,,
لاتقول انتهت الرحله اذا فعلآانتهت بنكلم المدير يعطيك اجازه
طبعآلرحله ثانيه لاني صرااحه تعودت كل يوم على حلقه رااائعه
وفي قمه الابداااع منك خيو,,
ويسلموووعلى لقب نجمه المنتدى وهذا من ذوقك الرااقي
ربي يحفظك..

اهلا بالنجمه لولي :
لا باقي الصور .. بس المشكله توهقت .. ركبت ويندوز 7
وابتلشت ماعرف له .. والحين جالس اخربط فيه
لحد ماعرف له وبنزل الصور الباقيه ..

الله يسلمك يالغاليه ..
وفعلا انتي نجمه المنتدى .. بلا مبالغه ..
مشاءالله تبارك الله متواجده ومتواصله , مع الكل الله يعطيك
الف عــــــافيه !

المشاركة الأصلية كتبت بواسطة كوره بالقائم
اهلا بالغالي فـارس المـاضي :
الله لايهينك يالغالي ع التــواجد .. والكلام الجميييل .. والتمييز هو تواجدك ..
بالنسبــه لكيرلا .. صراحه ماعمري فكرت ولا اظن اني بفكر ..
اروح لها .. مـدري ماعندي رغبه لها .. لكن
ممكن في الجاي ماندري ..

اذا انت
سافرت لها وعندك صور وتقرير
نزله طيب , يمكن تعجبنا , ونحول سفرنا الشهور الجآيه لها ...

ابشر بالقريب العاجل ان شاء الله ان ماسافرت له الاربعاء القادم عندي شوي صور لها ابنزلها