ليتك تعرف شكثر حبك فالاعماق

السلام عليكم ورحمة الله وبركاته


ليتك تعرف شكثر حبك فالاعمـاق .. يافايق بحبك علـى كـل مخلـوق ..




مشتاق لك ياسيدي صدق مشتـاق .. والعمر دونك مازهى لحظه ابذوق ..




لقياك عيد وفرقتك جمـر حـراق .. والقلب لك يمعذبي دايـم ايتـوق ..




وان ماحصلي شوفتك خافقي ضاق .. ايبات قلبي من الوله قلب محـروق ..




فيك الجمال مكمل بطيب واخـلاق .. جعل الذي صورك ياتلـع العنـوق ..




عين المها والخـد ياضيـه بـراق .. ترف الصبا متزهي بعود ممشوق ..




عالعهد لك باقي على صدق ميثاق .. مادام لي حبك جرى وسط العروق ..





يبقى الوفا مابيننـا رمـز عشـاق .. مهما ابعدوا لابد يجبرهم الشـوق .

مشكوووووور والله يعطيك الف عافيه

يعطيك العافيه
تسلم اناملك على الطرح الجميل
والانتقاءالرائع

الله عليك اخوي نص غايه في الجماليه الف شكر لك والى الامام...

تسلملي يمينك يالغلا
أبيات في قمة الروعة يعطيك الف عافية ..