الجادل اللي وجهها .. والقمر توم

كان المحبه مشكله شاعر القوم
............................. طيب يخوي القوم . وش مشكلتها


إن مت والا عشت .. ضايق ومهموم
............................... اجمل مراحل .. دنيتي مرحلتها


الجادل اللي وجهها .. والقمر توم
................................ماشفت بين البيض من شاكلتها


العقل كوم وروعه اوصافها كوم
................................ من طاحت عيوني عليها ملتها


ضاعت علومي مابقى عندي علوم
.............................. تملكت روحي غلا .. واشغــلتها


احبها حب اكبر القوم للقوم
.............................. والوم نفسي .. لاسهت واهملتها


أعطيك شي يسد حلقك عن اللوم
............................... نفسي وانا اللي راضي ابّهذلتها


مره من المرات قامت من النوم
............................... وجت امها عند السرير اسألتها


تبي تقول شلونها بنتي اليوم
............................... وشافت وصوفٍ بالجمال اذهلتها


قالت هني اللي يتصبح بهن دوم
............................. من زينها .. حتى امــها غازلتها





اتمنى ان تنال على اعجابكم

الله الله الله عليك اخوي ديل بيرو وعلى ذوقك الروعه الف شكر لك والله لايهينك اسجل اعجابي على ذا الذوق الرفيع والله لا يحرمنا ويستاهل التقييم.....

الله يعطيك العافيه على هذا الانتقاء الجميل ..

ابيات رائعه
يعطيك الف عافيه اخوي
على الطرح الرائع
نتتظرجديدك بكل شوووق