يانصر كم عانيت هم وشقا ضيق ؛

سلام الله عليكم ورحمته وبركاته

حديث القلب ودقاته يسوقه غصب لو بخفيه
يسوقه شعري ببياته وعلى ربع الوفا يحكيه

ّّّّّّّّ

يانصر كم عانيت هم وشقا ضيق
الضيق في صدرك غدى هو ضلاله
يضيق مادام المناصب تلافيق
ولا السلاله نفس ذيك السلاله
بقولها والله شهيد المخاليق
في ذمتي حال النصر ماهي حاله
مرت عليه سنين يابس به الريق
من مات رمزة مات معنى الاصاله
مات اللي حبه راسخ بالمعاليق
اللي عشق نصره لحد الثماله
صيت النصروقته تزلزل له طويق
واليوم شفت الفتح ند لنزاله
حتى افقر صغار النوادي الشرانيق
صارت تعد النصر (رشفة بياله)
ماعاد له هيبه ولاحساب وتدقيق
ويبشر بخير الخصم اذا جا قباله
واضحى الكيان وداخله شد وتمزيق
وآخر مصيبه جت من اصغر عياله
فضل عليه يصير بين الزواعيق
ساقط لقا لاقط خشاش الفضاله
ناطح ونابح كل وجهه مساحيق
ناكر ورداد الجميل بنذاله
واعضا ترف هم بالمنصات تصفيق
بشت وترزز وذاك يضحك عقاله
فيهم طنخ لكن كما طير بطريق
ريشه وجناحه ماشفعله وشاله
وقبيلهم من جاب راس الغرانيق
ورزه على الاشراف ووسع مجاله
وقام يتقضى يشتري بيع وتنسيق
حتى العماله صار فيها بطاله
وعوود على ماركات دوخي وصديق
ورجيع نوع اللي بناديه عاله
واقرب مصاب ولو هو من الطواريق
هاته وابوة وهات عمه وخاله
لكني بنشد (ولد تركي) عسى يفيق
من قبل يضن ان نصرنا من حلاله
ماجد ويوسف والهريفي وتوفيق
وشلون تقفي هالرموز إستحاله
لاشك فيه اسباب ويلزمك تحقيق
ويلزم تحل المعضله وبعجاله
نبغى الجواب وثبته بالمواثيق
ولياك تامن من هبايب شماله
خوفي على حال النصر مع مطافيق
من (عالمي) آسيا لنادي بصاله
هذا اختصار الوضع ومن غير تلفيق
واللي فهم مغزاه يرفع عقاله

وسلامتكم

دمتم بود/ ابن فـــايز الع,ــــالمي

مشكوووووور والله يعطيك الف عافيه

استاذي ابن فايز

لافض فوك تصوير ووصف للحال النصراوي بشكل جميل

حقيقة كل نقطه كتبتها تحكي الواقع فلو اخذناها ممايعانيه المشجع النصراوي الى مابعد الرمز رحمه الله

مرورا بالفرق الصغيره نقاط كثيره ابدعت في صياغتها فلو اخذنا الفرق الصغيره وعدنا للخلف قليلا لتذكرنا ماض

جميل حين كان النصر يمثل رعبا وكابوسا للفرق الكبيره التي كانت تبحث عن اقل الخسائر امام النصر وليس

الفوز .....

فعلا بعد وفاة الرمز اصبحة نقطة تحول في مسيرة النصر

استاذي ابن فايز اسمح لي ارفع يدي تحية لك

تقبل مروري المتواضع

Quote=ابن فــايز الع,ـالمي;438910]



من مات رمزة مات معنى الاصاله
مات اللي حبه راسخ بالمعاليق
اللي عشق نصره لحد الثماله
صيت النصروقته تزلزل له طويق
واليوم شفت الفتح ند لنزاله
حتى افقر صغار النوادي الشرانيق

[/quote]

المشاركة الأصلية كتبت بواسطة ابن فــايز الع,ـالمي

واعضا ترف هم بالمنصات تصفيق
بشت وترزز وذاك يضحك عقاله
فيهم طنخ لكن كما طير بطريق
ريشه وجناحه ماشفعله وشاله

[quote=ابن فــايز الع,ـالمي;438910]

ماجد ويوسف والهريفي وتوفيق
وشلون تقفي هالرموز إستحاله
لاشك فيه اسباب ويلزمك تحقيق
ويلزم تحل المعضله وبعجاله
نبغى الجواب وثبته بالمواثيق
ولياك تامن من هبايب شماله
خوفي على حال النصر مع مطافيق
من (عالمي) آسيا لنادي بصاله
هذا اختصار الوضع ومن غير تلفيق
واللي فهم مغزاه يرفع عقاله

[/quote



بيض الله وجهك يابو فائز على هذه لابيات التي فصلتها بالمقاس على حال النصر وما يعانيه
ومن مات رمزه مات معنى الاصاله الله ياهي تضرب بالقلب مثل ضرب الرصاصه
اشكر من الاعماق وتقبل مروري المتواضع الذي عجز الكلام عن وصفه بما يليق
ولك ودي وتقديري

سلمت يالغالي وصح لسانك أخوي ابو فايز
أنفداك على هالكلمات المعبره والجميله
تقبل مروري
ودمت بالف خير

يعطيك العافيه شكرا,.

ساقط لقا لاقط خشاش الفضاله
ناطح ونابح كل وجهه مساحيق

ابدعت..

---

الله يعطيك العافيه&^*^&ومشكوووووووووووور
وبالتوفيق للعالمي

ابرفع العقااااال واعطيك مليون بوسه على الراس الي فوق العقاااااااااال
الي اطلع لنا هذه الدرر الجميله من الابيات النابعه من رحم المعاناااااااه
ابوفايز لافض فوك وصح الله لسانك يالحبيبى .. شعر جزل وفي
الصميم ويلامس شغاف القلب وابيات تصويريه تعكس الحالــــــــه
التي وصل لها كل محب للعالمي .. اجزلت يبو فايز في هذه الابيـات
الخرافيه والقصيده التي تضاهي في جماله الكثير من قصائد الابدا ع
لله درك اخي الغالي فقد كفيت ووفيت لوم يعد لمحبك من كلاااااام
سوا القوف والتصفيق الحاار على مثل هذا الابدااااااااااااااااااااع
المنطقع النظير .. لله درك ماروعك ايه العاشق المتيم بنصـــــرك
العظيم الذي حوله اخداش الناس الي نادي ظل فاقد للهيبه .....
حتى وان كابرنا لكن تظل الحقيقه الموجعه اننا لازلنا نعيش في فلك
الاحباط ومنذ سنوات عديده .. وبات الامل مفقود فقـــــــود
في ظل وجود اسرة بن سعود .. فمتى يتحرك هذا الجمووووووود
ونصل الي الهدف المنشود .. بظل وجود وجيه جديده لديهااا
الطموح والجهود .. بعيدا عن اصحاب الوعود .........
ختاما سلمت اخي الغالي وسلمت الانامل التي خطت لنا هذه اللوحه
الابداعيه البالغه في الروعه وحسن التصوير .. دمت على الدوام علما
من اعلام النصر ككاكتب مميز وشاعر لايشق له غباار .. لك الوود
محبك ومغليك
ضامي بطــوله

صح لسانك والله ياشاعرنا ومشرفنا ابن فايز
كلمات ومعان أصابت عين الحقيقه

لاهنت يامبدعنا