عسى البرق يوضي في شعاعه على برزان

عسى البرق يوضي في شعاعه على برزان

-------------------------------------------------------------------------------

عسى البرق يوضي في شعاعه على برزان
ديـار(ن) يفـز القلـب لا نـاض براقـه

اذا ناض براقه كشـف عالـي الظلعـان
وصار الحشى يومي مع البـرق معلاقـه

اذا هب نسناس السحايب شمـال ركـان
وفاح الندى بجبـال حايـل مـع اسواقـه

سحابه غدى يـردم وبرقـه تقـل نيـران
تقـول انهـا لديـار الاجـواد منسـاقـه


نسيم الهواء كنك شمالـي جبـل لبنـان
تهز الخفوق لشـوق الاحبـاب واشواقـه

بغيبة شعاع سهيل فـي ناظـر السهـران
هزيم الرعـد ترجـف حواديـه باشناقـه

تشوف الزبد يمشي ويردم على الجـدران
اسبوعين مايظهـر لنـا نـور مشراقـه

عسى سيلها ينثر هميلـه علـى صديـان
ويروي فياض(ن)ينبت الطيـب بأعماقـه

انا شوق روحي شوفة الريـف بالوديـان
زهور(ن)بريضان النفـل طالـت اعناقـه

تخالط بها ريح الخزامـا مـع الريحـان
وتطرب خفوق(ن)داجها الصبـح بنياقـه

شغاياه بزهـور الخزامـا تصيـر ألـوان
ومن داج فيها ضايق(ن) زانـت اخلاقـه

واذا جاه مايذكـر غثـى الديـن والديـان
او الصاحب اللي يشعـل النـار بفراقـه

كرم حاتم الطائي لطيبـه غـدى برهـان
وعطر النـدى بجبالهـا فاحـت ارناقـه

وسكانها صاروا لطبـع النـدى عنـوان
وفيها هنـى الجالـي وسلـواه واذواقـه

جبال الندى ضيم العـدى راحـة التعبـان
ومزبان روح(ن)من غثى الوقـت منعاقـه

جبال(ن)بها التوحيـد والفقـه والقـرآن
قبل طبـع تاريـخ ابـن غنـام باوراقـه

بها صوت ترتيل المعـارج مـع الفرقـان
مهو ظلم من يزعم بهـا الكفـر ونفاقـه

جبل طـي وحـده ماتبـع ردة العربـان
ولا فيهم اللـي راغ عـن ديـن خلاقـه

ولا احد(ن)منع منهم عطى ثالث الاركـان
سبب قيد شح النفـس بالمـال واطواقـه

ولا داج فيها اللي يبـي غـرة النسـوان
او اللـي نكـث بعهـود ربـه وميثاقـه

ولاادري علام الناس تشكي من النسيـان
او انـه لتـاريـخ الاجـاويـد سـراقـه

اذا جيب طارينا بـدى الكـذب والنكـران
والاقـلام صـارت بندق(ن)بيـد تفـاقـه

على اللي دفع جوع الارامل مـع اليتمـان
وحط اللحـم للـي مضـى عـام ماذاقـه

وفيها الذي حط الذبيحه عشاء السرحـان
وغيره زبن عن شوفة الضيـف منطاقـه

وفيها الذي يرمي قفولـه عـن البيبـان
اذا غيرنا يحرص علـى القفـل واغلاقـه

ماهو خرط من يشبع وجاره قعد جيعـان
واذا زاد ثقـل الشيـل والحمـل ماطاقـه

ايا دار من تدفي حشى الجايـع البـردان
ويـادار مـن تفـزع للاجـواد لاضاقـه

ويادار من حامت بطيبه علـى الجيـران
وتقسم لجـاره عيشـة البيـت وارزاقـه

ديارن سكن حبه علـى ضامـر الغسـلان
غلاها سكن في ناظـر العيـن واحداقـه

هذه الابيات قالها الشاعر /فواز الغسلان

موضوع قيم بــــارك

الله فيك الله يعطيك العاافيه

باانتظار ابدعاتك القادمة

والله والف نعم باهل حايل كلهم ولاهنت اخوي على النقل وصح الله لسان الشاعر الراويه...

صح لسانه فواز الغسلان

تشكر أخوي على الإنتقاء المميز