قصيــدة فــخر بقبيلــة عنــزة ...

	السلام ياكرام هذى قصيدةالمصرب احد شيوخ قبيلةعنزة يرد فيها على واحد قلل من شأن قبيلة عنزة ياللي تقول الهرج من دون تفكيـر قلي وش اللي من ورى الهرج ناوي أن كنت ناوي خير تصبح على خير وان كنت ناوي شر..جتك البـلاوي علمك هفا بك هفوة الدلـو بالبيـر ولا انت بكفو حتى تقص الخطـاوي عيب ٍ تسمـى بالرجـال المناعيـر وعيب ٍ تشوفك لابسـات الغطـاوي حنا عنزه جينا على حـزة عصيـر نشرب مرار السم شرب ..القهاوي وقت اللقا جينـا نصـف الطوابيـر نصرخ ونرفع صوتنا ..بالعـزاوي تاريخنا بالمجد نـار ٍ علـى النيـر ماهي سوالف صاغها عقـل راوي عند الصحيح ندوس خشم المحاذير غاياتنا أبعد مـن كثيـر الهقـاوي وعلومنا أصفى من حليب المغاتيـر وألذ وانقى مـن تمـور الحسـاوي وأفعالنا أزكى من نبـات النواويـر وأوضح من وسوم الطبيب المداوي من دور أبونا كليب مع سالم الزيـر وحنا نشرب كيدنا كـل ....غـاوي من يحترمنـا يبشـر بكـل تقديـر ويلقى بحمانا كـل رجـل ٍ مخـاوي بالطيب مانقـدر نقيـس المعاييـر لطيب قسمـه بيننـا ...بالتسـاوي والطير مايقرب فـروخ العصافيـر لاصار حر ومـن طيـور النـداوي وإلا انت عادي لو يجي منك تقصير ضيعت وقتك بين هنـد ومضـاوي وأصبح خطاك بحق ربع ٍ مشاهيـر مثل الخجل في وجه رجل ٍ حيـاوي قد قالها مـن مـر عمـان والديـر خسارة اللي حط طيبـه بشـاوي ! وسلامتكم تقبلووووني اختككم الواايلـــيةة "الاميرة الصغيره"

يستاهلون والله
اشكرك يالغلا ابيات جميله
يعطيك العافية

الله الله الله صح الله لسان الشاعر وتستاهلون ياعيال وايل..

ونععم بجميع المسلمين ..

قصيده جزله بكل تأكيد
والنعم في عنزه وفي كافة القبايل والحمايل بدون استثنى
تجمعنا اخوة الدين والدم
ضامي بطوله

ونعم فيهم وعلى راسهم عبدالله حارس مرمانا
ونعم والله في جميع القبائل
يسلمووو اموورتي ي لغلا

اتمنى .. ان نبتعد .. عن اي شي قبلي .. حتى لاتكون هناك حزازات .. بالمنتدى .. كل القبايل والنعم فيها ..

ويعطيك العافيه .. تقبلي مروري .. اخوك


عايد العنزي

عادي اخوي عايد مافيها شيء ي لغلا

ونعم وسبعة انعام بالعنوز كلهم..

المشاركة الأصلية كتبت بواسطة روحي العالمي

يستاهلون والله
اشكرك يالغلا ابيات جميله
يعطيك العافية

الله يعافيكك خيتي رووحي
مششششكوورهه عالمرووور