أنــا بـــــــدوي

يابنت انا للشمس في جلدي حـروق
وعلى سموم القيظ تزهـر حياتـي
اطرد سراب اللال في مرتع النـوق
ومن الظمى يجرح لسانـي لهاتـي

عاري جسد والليل هتـان وبـروق
دفاي انـا والبـرد سمـل العباتـي
ان عذربوني بعض خلانك صـدوق
يابنت انا عشق الخلا مـن صفاتـي
وشم على رمل المتاييـه مدقـوق
لاشك من منهـم يسـوي سواتـي

انا بدوى ثوبي على المتن مشقـوق
ومثل الجبال السمر صبـري ثباتـي
ومثل النخيل انـا وهامتـي فـوق
ماعتدت انا احني قامتي الافصلاتـي
والي افتخر بفعال يمنـاه مخلـوق
يابنت انا فعلـي شهـوده اعداتـي
الله خلقنـي كلمـة الحـق بوفـوق
ملكت الارض وراس مالي عصاتي

بدر بن عبدالمحسن

ابيات راائعه ماشاء الله راق لي للامير الشاعر بدر بن عبدالمحسن
شكرا اخوي جوجل ولاهنت

عند مهندس الكلمة
ينتهي الكلام *_*


سلمت الأيادي يا صاحبي
^_^
ألف شكر

ابيات راائعه

ابيات رائعه
يعطيك العافيه
لاهنت

صح الله لسان الشاعر الامير بدر بن عبدالمحسن وبيض الله وجهك على النقل ولاهنت ...

يعطيكم الف عافية على المرور الجميل
تحياتي لكم