إحباط هالوقت يملى لي عناويني

إحباط هالوقت يملي لي عناويني،،

وانا اتلفت واشوف الياس قدامي ،،

إي والله إني تعبت وضاقت سنيني ،،

وفـ أول نهاية طريقي ضاعت أقدامي

مليت يا واقعٍ ما عدت تعنيني ،،

حتى ولا عاد تعني شي أحلامي ،،

كم مد قلبي قبل لا أمد بيديني ،،

وعضيت قلبي قبل لا أعضه ابهامي

وكم كان رشدي على غيي يوديني ،،

يوهمني إن الكثير من العطا : سامي ،،

وكم قلت بكره تهون .. وهانت بعيني ،،

أيام عمري .. إذا هي فعلاً أيامي

مرات أحس. إني أكره كل ما فيني ،،

لا شفت ما حولي الا باقي حطامي ،،

مدري من اللي بصدري كان يرميني ،،

بس الأكيد إنها تحديداً سهامي

كم شلت في خاطري جرحٍ يسليني ،،

كم طاح من عيني أصدق دمع وأعوامي ،،

أفنيتني ما دريت إني بــ أغنيني ،،

للضيقة اللي تقول لفرحتي : نامي

أحاول أكتب جروحي قبل تمحيني ،،

والحبر : دمي بعد ما جفت أقلامي ،،

أفكر إني أسافر بي واخليني ،،

أبعد عن الناس واتوحد مع آلامي

يا ما أكذب الناس .. يا ما أصدق عناويني ،،

طعناتهم تنقلب ضحكات قدامي

لــ زايد الرويس

يعافيك يارب شكرا

يعافيك يارب شكرا

وكم كان رشدي على غيي يوديني ،،

يوهمني إن الكثير من العطا : سامي ،،

وكم قلت بكره تهون .. وهانت بعيني ،،

أيام عمري .. إذا هي فعلاً أيامي
ابيات جميلة جدا
يعطيك العافي طبعي على الاختيار المميز
تحياتي لك

يعطيك الف عافية طبعي الوفاء
ابيات جميلة كما اعتدنا ممنك
لا هنتِ
^_^

يعطيك الف عافيه اختى الكريمه
فقد وفقتي في طرح متميز
لابيات شعريه
اوفت بكل الحضور
ضامي بطوله

رووووووووعه هالابيات من جد

شكرا غلاتي

يسلموو ع مروركم العطر
لاخلاولاعدم