مدونتي (عايد السهلي العنزي )...

غبت .. ليت لغيبتك ظرف و يزول
وانتظرك بـ دمعي اللي ذاخره

كل ما ناظرت في صورتك اقول
الله يسامحك .. دنيا ، و آخره

خايف افقدك ، طاري الفقد يوجعني
ليت خوفي من الدنيا ... مثل خوفك

كـل ليله .. قبل لا تنام وادعني
يمكن اصحى بعدها ، بس ما اشوفك

لـ أمي
يارب لاتحرم عيونها من الجنه
وأكرمها بعطفك ولطفك وغفرانك

مايغفر الذنب غيرك وأنت ذو المنه
سبحانك الواحد الغفّار سبحانك

طبيعي تفارق اللي تموت في حبه
.. ياكثر من قال أنا حبيبي خلاني

تدري في هالحب وش هي الحاجه الصعبه
.. لا صار خلك معاك وقلبه لـ ثاني

بعض الليالي جلسة علاج للروح
ترفع عن الارواح سلطة مرضها

وبعض الليالي كنها حفلة جروح
متى بعضها يفترق عن بعضها

تصدّق : إني ليا نمت أقفل الغرفه ،
وأنام … وأخلّي الوحده : لجدراني !

( ثلاثة سنين ) وإسمك محدٍ يعرفه ،
خايف ليانمت يصدح بإسمك لساني !

مستوطن بقلبك وساكن بالأعماق
ومستقبلك عايش على ذكرياتي !

لبّى حنينك كل ما جيت مشتاق
ولبّى غلاك اللي مجمّل حياتي ♡

تبدو مخيفة سرعة الأيام تجري..
بنا دون أن نشعر..!
فيارب اعطنا خير هذا الزمان واكفينا كل شر ، وأحسن خواتمنا..

مؤلمه هي : نميمة الأصدقاء وخيانة العشاق وموتَ الامهات وكراهية الأقارب .."

أن أراك معهم تحتضنهم تُظهر لهم الحنآن الذي كآن لي وتحول إلي قسوة لم أعتدهآ منك يوماً ♡'