حطمتني يا زين ....

حطمتني يازين بليا خطيه
وعندي براهين
انت الذي يا زين اخطيت فيّه
وش عاد تلقين
جرح على جرحين ما هي خفيّه
بعين الحسودين
وش قالوا النقاد يا زين فيّه
يا ظلم الموازين
عطيتك الروح و الجسد لك هديّه
رغم العذولين
ياليت تفهمني ظروفي قويّه
و انا ابديك يا زين
لو كان لي حمية تنصر خويّه
ضد المعادين
مالها على زين الحلايا طريّه
لو مت هالحين
طويتني طي الورق كم طيّه
ما انتي بتاويين
ارحم رحمك الله قبل المنية
شفت العذابين
مالك و مال الهجر و النرجسيّة
و تبكين بعدين
انت الهوى و بالحب عذبه و غيّه
و انتي تداوين
مالي بهجرك ساعة مقدريّه
لو كان تجفين
اتبعك لو دارك علينا قصيّة
ما دمت تغلين
و اعيونك الي بالهوى سلهميّه
و بالقرب تغضين
و حطيت لك قصر بالضلوع الحنيّة
بين البساتين
لو كان غزال الريم بالغنج زيّه
فوقه بثنتين
جدايل فوق الردوف هلهليّه
ريح الرياحين
و امبيسم من قول الردايا بريّه
ليته يمنين
حبيتكم جعل مابك من الحب فيّه
و نحيا امتساويين
خل الطغا يا زين لا رحم حيّه
لو كان تدرين
انت الذي لجلك حياتي صخيّة
يا كامل الزين

اشكرك خيو روعه مره يعافيك يارب

ثااااااااااانكس على ردك

قصيدة بالغة الجمال والرونق يعافيك ربي

ثااااااااااانكس على ردك
اسعدنى مرورك تواجد ك دائما