بالله من جدكم تتوقعون تفوزون وعندكم هالاثنين

حسينوه وحبه للاهلي ومصور عرعر واستمتاعه بالكور داخل مرماه


ما ينغزى بهم طريق هذولا مع الاهلي انسى تفوز لمدة 20 سنة قدام

الفريق كله ما يأهل أنه يدخل منافسة باستثناء (الجبرين - البطل).

الغريب الناس اللي يعتقدون أن فيصل بن تركي مفيد للنصر ولو بنسبة (5%)، وش وضعهم الحين، شفتوا كيف الفريق اللي صنعه كحيلان؟ شفتوا كيف أن الأهلي يسرح ويمرح في النصر بأقل جهد وتركيز؟ أصلاً الأهلي ما طق خبر للنهائي، لأنه بيلعب مع النصر، والدليل أنهم لعبوا مع منتخب قطر العسكري كاستعداد لمباراة النهائي.


ما تدري من وين تجيك المصيبة في هالفريق، هي من الدفاع والا الوسط والا الهجوم. السومة أمس سجل هدفين وهو مرتاح بدون أي مراقبة، حتى في التمرين ما تحصل له. طيب يا بن تركي، يستاهل هالدفاع تدفع فيه كل هالمبالغ وهم ما يعرفون حتى يوقفون صح في الملعب، والسومة اللي نشأ على ملاعب ترابية، ويمكن كان يتمرن في بيتهم - أصلاً ما عندهم ملاعب في سوريا- يسوي كذا بفريق عريق كالنصر، بفريق كله نجوم حسب كلام يا بن تركي؟ وين هالنجوم وينهم يا بن تركي؟


المشكلة ليست في خسارة الكأس يوم أمس، المشكلة أن النصر فريق لا يستطيع أن يواجه أي فريق قوي ويلعب معه ند للند، للمرة الألف أنا كمشجع ليس أكبر همي تحقيق بطولة بقدر ما أشاهد فريقي يلعب بشكل رائع وممتع ومخيف أمام الخصوم، فريق يفتخر فيه بلعبه وعطاءه داخل الملعب وليس ببطولاته فقط، بالعطاء المميز داخل الملعب ستحقق البطولات بل ستتسيد الموقف والساحة. للأسف هذا ما فشل فيه بن تركي فشل ذريع، يستحق معه أن يخجل من نفسه ولا يخرج بعد ذلك للإعلام أو الصحافة. لكن الرجال لايزال يفتخر بما حقق، وبصراحه ما أدري ماهو معيار الفشل عنده، الظاهر لازم يمحى الفريق من خارطة الرياضة، يمكن في ذلك الوقت يعتبر هذا فشل.


الله يعين، النصر في طريق مظلم جداً في حال استمرار بن تركي، مغادرة هذا العابث ستعطي قليلاً من الضوء يمكن للنصر أن يسير فيه.

عبدالغني كان افضل نجوم المباراه
مع النجم الكبير الجبرين ... لازال الاسطوره
ابوعمر يقدم مالايقدمه اي لاعب في ملاعبنــــا
ولازال هناك من ينهش بعطاءه .. يااخي اتــق الله
سبحانه وانت تتهم اللاعب بانه سيتعمد فوووووز
الاهلي والله وتالله ليس ابوعمر من يفعلها ........
ترا الظلم ظلمات يااخي يوم القيامة .................
اامس ماترك شي ماسواه ابوعمر قاتل قتاااااااال
الابطال ولكن اين المهاجم القناص مليون رفعـــه
لايرتقي لها ابوستين مليون مصيبه ابوهزه .......
والعاهه الاخر مايقا ... جهد عظيم ووافر لاينكره
الا شخص .. في نفسه شئ ضد ابوعمر ...........
اما الاخ الكريم هرررف نصر ...كيف النصــــــر
عاجز ان يكون لاي فريق ند بالند .. هل تابعت
اللقاء مثلما تابعناه ام لم تتابعه من اصله ..........
عزيزي النصر كان مهيمن على اللقاء قدم كل
فنون الكوره ومتعتها .. لكن ماعابه امر واحد
عدم وجود مهاجم .. السوري الذي انت معجـب
به ميزته انه قناص داخل الصندوق وذكي ........
استغل كورتين وسجل وانهى الامر .. بينما مايقا
تحصل على عشر كور داخل النصدوق وكل كره
تاصل اليه يتفلسف ويلف ويدور .. اما الهزازي
فالضرب بالميت حراااااااااااااااااااااااااااااااااام
النصر يملك النجوم المحليون .. فقد بحاجة الى
عناصر اجنبيه ومهاجم مهاجم مهاجم قولا وفعلا
وليس مجرد مهاجم وحسب .. والله النصر ضاعت
عليه بطولات رغم قوة الفريق بسبب عدم وجود
مهاجم عليه القيمه ... ضامي بطولة

النصر ينقصه المهاجم القناص وصدقني لو لعب الراهب او السهلاوي مكان هزازي

يمكن يحدث الفرق ونفوز بالكاس بس قدر الله وماشاء فعل


ينقصنا مهاجم اجنبي من طراز خمس نجوم وصانع لعب مثل كماتشو او التايب


مدافع الخليج الافريقي اتمنى يتعاقد معه النصر


وعبدالله العنزي يسرحونه ويخلونه يلتفت للعماير والعقارات اللي بعرعر


بالتوفيق للعالمي الموسم القادم 2017/2016 ان شاء الله

على العموم مادام هناك من الجمهور من يتأمل خير في عبدالغني والا العنزي والا خلودي فلن يتقدم النصر ابدااذا كان هناك من تنطلي عليه حركات عبدالغني والشو حقه ولا يرى ان الهدف الثاني كان من جهته والسبب ليس فقده للموهبه بل عدم قدرته على مجاراة اللاعبين الشباب بل عدم قدرته على مجاراة اي لاعب
نعم الكرة بين قدميه خذ رجال لأنه لاعب كبير وخبره لكن خانة الظهير تحتاج الى مجهود وركض دائم للهجوم والدفاع عبدالغني كل اوفراته هذا الموسم خطأ اهداف حاسمه كلها من جهته ولي العهد سحب فيه معاذ ومباراة الأهلي وقبلها سالم الدوسري حس بس على حسابنا
الرجل لديه كاريزما النجم واللاعب الكبير ( ولاتنسى ان الكمرة دائما عليه ) اقبل ان ينخدع بها صغار المشجعين لكن من يفهم كرة والمشجعين الخبرة المخضرمين اعتب عليهم كثيرا ان يعميهم الشو حق حسين عن حقيقة ضعفه الفني داخل الملعب .
اما العنزي فلا جسم حارس ولا استعداد حارس حارس لايقفز اسألك بالله حتى في اليد ماينجح اما يسقط على مؤخرته كما في هدف الأهلي الثاني او يكتفي بالتصوير كما في هدف الأهلي الأول .

انتقدنا العنزي كثير في هالموسم، لكن في نهائي الكاس الهدفين جات
من أخطاء دفاعية، لانهم تركوا السومه بدون مراقبة..

اذا رجعت لاهداف الاهلي تحصل ان السومه واقف قريب من خط السته
و بدون مضايقة..



يعطيك العافية