عشق بدوي

عشق بدوي


يفز قلبي كل ماشفت الاحباب
واشعل فتيل الشوق واسرج ركابه
افز فزة حر لاشفت الاهداب
وانسى همومي كلها والكآبه
الحب ما حشم طويلين الاشناب
الحب بلوى ويل منهو ابتلى به
سجلتها قصة غلا داخل كتاب
قصة جريح يشتكي من عذابه
الحب مايعرف قريبين واجناب
ان مابدا بالموت ولا انتهى به
قلبي من الفرقا صويب (ن) ومرتاب
قلبي غدا نصفين من حر ما به
الي هجرني اهجره واقفل الباب
واعزف على فرقاه بعود وربابه
الغدر جرح ماتداويه الاعشاب
يقضي على العاشق وهو في شبابه
جسمي هزيل وخافقي من العنا ذاب
وصوتي حزين وحالتي في غرابه

صح لسانك قصيده رائعه لاهنت

قلبي من الفرقا صويب (ن) ومرتاب
قلبي غدا نصفين من حر ما به
الي هجرني اهجره واقفل الباب
واعزف على فرقاه بعود وربابه

ابيـــــــات روعـــــــه

تسلم فارس الماضي على اختيارك المميز

نتطلع للمزيد من ابدااعك

الله يعطيك العااافيه

سلمت يمنااك فارس لرووعه هالنص
والف شكر لذووقك الرااقي
نص رائع وحضور اجمل ...

شامخ وطيف وعربجيه انتم نجوم
هالمنتدى الله يوفقكم