قصيدة صورت حالتي انا (ويمكن بعد انتو...؟)

...المس كوول..

سقى الله زمان فاتلي مع غزير الزين**ياليت البشر ما فات منهم يردونه
يعنك ما فاتك من الوقت زين وشين**رجوعه عليك اصعب من السيل لمزونه
انا حد علمي بالغلا يوم طبعه زين**قبل لا يطيع اللي عن الحب ينهونه
سمع سالفتهم وش وراء الحب وش بعدين**ومن وقتها يا قل ما القى تلفونه
اجي وافتح المس كول يا مال فرقا العين**ولا اشوف رقمه جعل الارقام يفدونه
اخيل الجهاز اقول يبي يتصل الحين**واثره اقتنع في فكرتن جته مجنونه
من العاذل الي شغلته تفرقت قلبين**انا اوحيت قبلي واجد اللي يسبونه
عذول المحبه جعل شرواه يعطى الشين **حرمني من اللي رغبتي فيه مرهونه
تغير علي واذا اتصلت ما سمعت اهلين**اخذ ثقل جعل مغيره تثقل ديونه
مثل ما ثقل ديني من مقاسط التموين**هاك البنك الاقشر جعلكم ما تمرونه
ذبحني غلاه وحط وسط الحشا جرحين**الاول من الصده والاخر من ضنونه
وانا من هذاك اليوم ومعايد الثنتين**يا صعب الوصال وصدتن عنه ملعونه
تمكن غلاه بوسط قلبي بعام الفين**ومن يومها الحب يكبر على هونه
يقولون خله يا معود واقول انزين**ابي فكتن منهم وانا اموت في عيونه
هذاك ان ضحكلي رحت كلي ولا ادري وين**وكم واحد قد راح لعيون مضنونه
وهذاك ان طرالي منه يقصني نصين**معه نص وابقى نص ما اعيش من دونه
وهذاك ان طلع رقمه وانا مشغل خطين**يروحون فدوه لنمرته ولتلفونه
عسا يرده اللي رد ركان بن حثلين**من الترك لدياره وللي يتحرونه
هذاك ان رجع عقب البطا ناذر نذرين**ان اسامحه واني مع الوقت ما اخوانه
منقوله,, للشاعر:حمد السعيد...

ابيات رائعه
يعطيك العافيه
تسلم اناملك على الطرح الجميل والانتقاءالرائع
لك ودي واحترامي

الله يعطيك العافية يا مبدعنا
اختيار رائع ينم عن ذائقة شعرية جميلة وخلابه لاتقبل الا بكل شي جميل
تقبل تحياتي الله يسعدك

ابيات رائعة
انتقاء رائعععععع
يعطيك العافية يامبدعنا

كل الشكر لكم على المرور ولا خلا ولا عدم...