هدية الاربعاء...

ثنتين يعطنّك معزّه وتقدير=دينك وفعل البر في والدينك
وثنتين منهن يكثرن المخاسير=درب الضياع وصحبتن ما تعينك
وثنتين عنهن ما تجوز المعاذير=سترك لاهل بيتك ومكسب يمينك
وثنتين لو طال الزمن ما بهن خير=هرج القفا ومجاملة من يهينك
وثنتين يطلقن الوجيه المسافير=ترديد ترحيبك وضحكة جبينك
وثنتين يسوون التعب والمشاوير=مواصل ارحامك وفزعة قرينك
وثنتين نار وعار معنى وتفسير=ترضى الخنا وتخون مستامنينك
وثنتين لا تقبل بهن الاشاوير=الجار والصاحب ليا قال وينك
وثنتين يشرن بالذهب والدنانير=حشمة ابن عمك ونصرة عوينك
وثنتين جنبهن واحذرك تحذير=فعلن يشنّع بك وهرجن يدينك

مما راق لي....

الله عالهدية
الله عالروعة فعلاً حكم
مشكور أخوي نصراوي العصر

تسلم يمينك
ويعطيك ألف عافية

وثنتـيـن يـشـرن بالـذهـب والدنـانـيـر

حشمـة ابـن عـمـك ونـصـرة عويـنـك

وثنـتـيـن جنـبـهـن واحــــذرك تـحـذيــر

فـعـلـن يـشـنّـع بـــك وهـرجــن يـديـنــك

ابيـــــــــات حكمه راااائعه

تسلم لنااا هدااياك المميزه ..يعطييك العااافيه

لاعدمناابداااعك ..

شكرا لكم جميعا على المرور ولاخلا ولا عدم...

تسلم على الهديه الرائعه.

قصيدة روعة مليئة بالحكمة
الله يعطيك الف عافية
تحياتي لك