لا صار في حبك مذله

لا صار في حبك مذله وحقران
و الله ماهين النفس لو كنت غالي

و لا صار حبك فيه نقص و خذلان
دور و تلقاء لك حبيب بدالي

أنا عزيز النفس مأرضى بنقصان
و كرامتي تسوى عليه حلالي

إن كنت ما تدري ترى العلم نيشان
ملزوم تقرأ في خيالك خيالي

بقولك علمي وبأعطيك برهان
مرقاي روس العاليات الطوالي

ما نزل الهامه ولو كان ما كان
إلا لوجه الله عزيز الجلالي

وش عاد لو الحب جلاب الأحزان
صبري يهدم نايفات الجبالي

وش عاد يالو صرت بالحسن فتان
لابد متشوهك سود اليالي

وش عاد لو في حبي اليوم غلطان
الوقت عاده بين مر وحالي

صحيح أحبك لكن أجزيك نسيان
وأهجرك لو حبك يسبب هبالي

وأعيش عن حبك حياتي بسلوان

لو كان جمرك بين الأضلاع صالي

و لاصار في حبك مذله و نقصان
الله عن اللي مايجيب الكمالي

صح لسااااانك

ابيات روعه يعطيك العافيه اخوي لاهنت

يعطيك ألف عافية عالمي الرياض
أبيات جميلة
صح لسان شاعرها و سلمت يمينك
ألف شكر
^_^

رووووووووووووووعه الله يوفقك...

الله الله ابداع في الانتقاء وروعه في النقل الف شكر لك اخوي عالمي الرياض والى الاماام..

الله الله عليك عالمي الرياض مبدع كعادتك انتقاء يدل
ذائقه جمييييله

دام التألق ... ودام عطاء نبضك
كل الشكر لهذا الإبداع
لك مني كل التقدير ...!!
وبآنتظار روائع جديدك بكل شوق...!
ارق التحآيآ لك
ودي وعبق وردي

شكرا لمروركم على موضوعي وهذا شرف لي ووسام على صدري

ياسلام ياسلام على الابيات الجميله ،،، إنتقاء رآئع ومميز أخوي فيصل